Bandjarees

Bandjarees ; Bahasa Banjar, بهاس بنجر
Gepraat in:	Indonesië
Gebied:	Suidoos-Asië
Totale sprekers:	3,5 miljoen[1]
Taalfamilie:	Austronesies; Maleis-Polinesies; Kern-Maleis-Polinesies; Maleis-Soembawa; Maleis; Malay; Bandjarees
Skrifstelsel:	Latynse alfabet (algemeen); Arabiese alfabet (Jawi)
Taalkodes
ISO 639-1:	geen
ISO 639-2:
ISO 639-3:	bjn

Bandjarees (Bahasa Banjar, بهاس بنجر; letterlik: "taal van Bandjar") is 'n Maleis-Polinesiese taal wat in Suidoos-Asië op die eiland Borneo in die Suid-Kalimantan-provinsie van Indonesië gepraat word. Die taal word tans deur sowat 3,5 miljoen mense gepraat, hoofsaaklik Bandjarese.

Bandjarees in Jawi-skrif by Lok Tamu-dorpskantoor in Mataraman-subdistrik, Banjar-regentskap, Suid-Kalimantan, Indonesië

Bandjarees is verwant aan Balinees, Chamorro, Indonesies/Maleis, Javaans, Madoerees, Minangkabau, Palauaans en Soendanees. Dit is ietwat minder verwant aan Filippynse tale soos Cebuano en Tagalog (Filippyns) en het daarnaas nog 'n los verbintenis met Malgassies in Madagaskar.

Bandjarees word soms as 'n dialek van Maleis beskou, maar dit word nie algemeen aanvaar nie, hoewel die Maleise taal 'n groot invloed op Bandjarees uitgeoefen het. Dit word met die Latynse of die Arabiese alfabet geskryf.

Verwysings

"Ethnologue: Languages of the World, Seventeenth edition, Banjar" (in Engels). Ethnologue. Geargiveer vanaf die oorspronklike op 27 Mei 2020. Besoek op 31 Augustus 2018.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "Ethnologue: Languages of the World, Seventeenth edition, Banjar" (in Engels). Ethnologue. Geargiveer vanaf die oorspronklike op 27 Mei 2020. Besoek op 31 Augustus 2018.