Baltische Rundschau
Die Baltische Rundschau ist die grootste Duitstalige maandelikse tydskrif in die Baltiese lande en verskyn sedert 1994 in Estland, Litaue en Letland. Die tydskrif is deur Ingvar Heinrich Lotz gestig wat ook die pos van hoofredakteur beklee. Die tydskrif het sy hoofkwartier in Vilnius, Litaue.
Onderwerpe
Die Baltische Rundschau doen verslag oor nuusgebeure in Litaue, Letland en Estland, maar dek daarnaas ook gebeurtenisse en aktuele onderwerpe uit Wes-Europese lande mits hulle die Baltiese lande raak, asook die situasie in die buurlande Pole, Rusland, Wit-Rusland en die Oblast Kaliningrad.
Teikengroep
Die Baltische Rundschau se hoofteikengroep is Duitssprekende sakelui en sakereisigers in die Baltiese lande asook lesers uit Wes- en Sentraal-Europa, veral Duitsland, Switserland en Oostenryk, wat belang stel in Baltiese onderwerpe. Intekenaars sluit ook regerings en instellings van die Europese Unie, ambassades, kamers van koophandel, banke, assuransies, internasionale maatskappye, toerisme- en kulturele instellings, universiteite en privaat persone in. By die laasgenoemde groep staan die Baltische Rundschau veral by plaaslike internasionale sakelui, studente, deskundiges en 'n groot aantal toeriste en ander besoekers as 'n medium van relatief hoë gehalte bekend.