Bahamas

Gemenebes die Bahamas
*Commonwealth of the Bahamas* (Engels)
Vlag	Wapen
	Nasionale leuse: Forward, Upward, Onward, Together; (Engels vir: "Voorwaarts, opwaarts, verder, tesame")
	Volkslied: March On, Bahamaland; (Engels vir: "Maart Vorentoe, Bahamaland"); ; Koninklike volkslied: God Save the King; (Engels vir: "God beskerm die koning");
Hoofstad	Nassau 25°4′N 77°20′W
Grootste stad	Nassau
Amptelike tale	Engels
Regering ; • Monarg; • Goewerneur-generaal; • Eerste minister	Unitêre parlementêre; grondwetlike monargie[1][2]; Charles III; Cynthia A. Pratt; Philip Davis
Onafhanklikheid • van die Verenigde Koninkryk;	; 10 Julie 1973[3]
Oppervlakte; - Totaal; ; - Water (%)	; 13 878 km2 (155ste); 5 358 myl2; 28
Bevolking; - 2022-skatting; - 2022-sensus; - Digtheid	; 400 516 (170ste); 399 314[4]; 25,21 / km2 (181ste); 65,3 / myl2
BBP (KKP); - Totaal; - Per capita	2023-skatting; $17,479 miljard[5] (148ste); $43 913[5] (40ste)
BBP (nominaal); - Totaal; - Per capita	2023-skatting; $14,114 miljard[5] (130ste); $35 459[5] (26ste)
MOI (2021)	0,812[6] (55ste) – hoog
Gini (2001)	57[7] – hoog
Geldeenheid	Dollara (BSD)
Tydsone; - Somertyd	OTS (UTC-5); ODS (UTC-4)
Internet-TLD	.bs
Skakelkode	+1-242
	a. Die Amerikaanse dollar word algemeen aanvaar.

Die Bahamas (Engels: The Bahamas, [bəˈhɑːməz], ), amptelik die Gemenebes die Bahamas (Commonwealth of the Bahamas), is 'n eilandstaat in die Noord-Atlantiese Oseaan. Die land sluit bykans 3 000 eilandjies in en bestaan uit lang, lae koraalformasies en lae heuwels.[8] Die Bahamas-eilande is oos van Florida, noordoos van Kuba, noordwes van die Turks- en Caicoseilande en Hispaniola, en suidwes van Bermuda geleë. Die hoofstad en grootste stad is Nassau. Dit het 'n oppervlakte van 13 878 km² en het 'n bevolking van 400 516 in 2022 gehad. Die Bahamas is naas Kuba, die Dominikaanse Republiek en Haïti die vierde grootste eilandstaat van die streek.[9] Danksy die plek se mooi strande en warm weer is dit 'n gewilde toeristebestemming.[8]

Nasa-Satellietbeeld van die Bahamas

Kaart van die Bahamas

Die naam van die Bahamas is óf van die Taino-word ba ha ma ("groot boonste middelland") wat deur die inheemse Indiane gebruik is, óf van die Spaanse baja mar ("vlak water of see" of "laagwater") vir die vlak water van die gebied, afgelei. Die Bahamas is net een van twee lande waarvan die algemene Engelse naam met 'n lidwoord begin, die ander is Gambië (The Gambia).[10]

Christophorus Columbus het die Nuwe Wêreld in 1492 vir die eerste keer betree en die Bahamas vir Europa ontdek, maar dit het nooit 'n Spaanse kolonie geword nie. In 1648 is dié eilandgroep deur Engelse koloniste bevolk en het in 1718 'n Britse kroonkolonie geword. Na die Amerikaanse Onafhanklikheidsoorlog het Amerikaanse lojaliste onder leiding van Andrew Deveaux in 1783 Nassau ingeneem. Vervolgens het duisende lojaliste hulle op die eilandgroep gevestig en hul slawe saamgebring. Pogings om op groot skaal plantasies te stig het nogtans misluk. Die plaaslike grond was nouliks geskik vir die verbouing van tradisionele plantasiegewasse. In 1834 is slawerny amptelik afgeskaf. Vandag maak die nasate van slawe en vrye-Afrikane byna 90% van die Bahamas se bevolking uit. Op 10 Julie 1973 het die Bahamas van die Verenigde Koninkryk onafhanklik verkry.

Die Bahamas is 'n grondwetlike monargie binne die Britse Statebond en Charles III van die Verenigde Koninkryk is die staatshoof van dié land. Volgens die bruto binnelandse produk per kapita is die Bahamas een van die rykste lande van die Amerikas (naas Kanada en die Verenigde State). Die ekonomie is veral op toerisme en finansiële dienste gebaseer.[11]

Etimologie

Die naam Bahamas is afgelei van die Taíno-naam Bahama ("groter boonste sentrale eiland"), wat deur die inheemse Taíno vir die eiland Grand Bahama gebruik is.[12][13]

Bahama het ca. 1523 vir die eerste keer op die Turyn-kaart verskyn en oorspronklik net na Grand Bahama verwys, maar dié woord is tot in 1670 uitsluitlik in Engels gebruik.[14] Volgens die naamkundige Isaac Taylor is die naam afgelei van Bimani (Bimini), wat Spanjaarde in Haïti geïdentifiseer het met Palombe, 'n legendariese plek waar volgens John Mandeville se Travels 'n fontein van jeug was.[15]

Sport

Krieket is die gewildste sportsoort en is in 1973 as nasionale sport van die Bahamas gelys.[16] Die Bahamas vorm nie deel van Krieket Wes-Indië nie en vervolgens kan krieketspelers van dié eilandstaat nie vir die Wes-Indiese nasionale krieketspan uitdraf nie.

Verwysings

(en) "General Situation and Trends". Pan American Health Organization. Geargiveer vanaf die oorspronklike op 27 April 2014. Besoek op 5 Maart 2016.
(en) "Mission to Long Island in the Bahamas". Evangelical Association of the Caribbean. Geargiveer vanaf die oorspronklike op 4 Maart 2016. Besoek op 5 Maart 2016.
(en) "1973: Bahamas' sun sets on British Empire". BBC. 9 Julie 1973. Besoek op 3 September 2023.
(en) "Census population and housing" (PDF). Regering van die Bahamas. 2022. Besoek op 3 September 2023.
(en) "Bahamas". Internasionale Monetêre Fonds. April 2023. Besoek op 3 September 2023.
(en) "Human Development Report 2021/2022" (PDF). United Nations Development Programme. 2021. Besoek op 3 September 2023.
(en) "Bahamas Living Conditions Survey 2001" (PDF). Department of Statistics. Geargiveer (PDF) vanaf die oorspronklike op 2 Junie 2020. Besoek op 27 Junie 2019.
HAT Taal-en-feitegids, Pearson, Desember 2013, ISBN 978-1-77578-243-8
(en) "Top 5 Largest Countries in the Caribbean". Aneki.com. Besoek op 27 Junie 2019.
(en) Tom Geoghegan (7 Junie 2012). "Ukraine or the Ukraine: Why do some country names have 'the'?". BBC. Besoek op 3 September 2023.
(en) "Country Comparison :: GDP – per capita (PPP)". CIA World Factbook. Central Intelligence Agency. Geargiveer vanaf die oorspronklike op 23 April 2015. Besoek op 27 Junie 2019.
(en) Ahrens, Wolfgang P. (2016). "Naming the Bahamas Islands: History and Folk Etymology". In Hough, Carole; Izdebska, Daria (reds.). 'Names and Their Environment': Proceedings of the 25th International Congress of Onomastic Sciences: Glasgow, 25–29 Augustus 2014, Volume 1: Keynote Lectures: Toponomastics I (PDF). Universiteit van Glasgow. p. 47. ISBN 978-0-85261-947-6. Geargiveer (PDF) vanaf die oorspronklike op 1 April 2022. Besoek op 10 Julie 2022.
(en) Granberry, Julian; Vescelius, Gary (2004). Languages of the Pre-Columbian Antilles. University of Alabama Press. p. 85. ISBN 0-8173-1416-4.
(en) Allsopp, Richard, red. (2003). Dictionary of Caribbean English Usage. Kingston, Jamaika: University of the West Indies Press. p. 70. ISBN 976-640-145-4.
(en) Taylor, Isaac (1898). Names and Their Histories; a Handbook of Historical Geography and Topographical Nomenclature. Londen: Rivingtons. p. 58.
(en) Michael Craton; Gail Saunders (1998). Islanders in the Stream: A History of the Bahamian People. University of Georgia Press. p. 471. ISBN 978-0-8203-2284-1.{{cite book}}: AS1-onderhoud: meer as een naam (link)

Bronnelys

Algemeen

(en) "The Bahamas". Encyclopædia Britannica. Besoek op 3 September 2023.
(en) "The Bahamas". Central Intelligence Agency. Besoek op 3 September 2023.

Eksterne skakels

Wikimedia Commons het meer media in die kategorie Bahamas.
(en) Toerisme-inligting oor Bahamas op Wikivoyage

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] (en) "General Situation and Trends". Pan American Health Organization. Geargiveer vanaf die oorspronklike op 27 April 2014. Besoek op 5 Maart 2016.

[2] (en) "Mission to Long Island in the Bahamas". Evangelical Association of the Caribbean. Geargiveer vanaf die oorspronklike op 4 Maart 2016. Besoek op 5 Maart 2016.

[3] (en) "1973: Bahamas' sun sets on British Empire". BBC. 9 Julie 1973. Besoek op 3 September 2023.

[4] (en) "Census population and housing" (PDF). Regering van die Bahamas. 2022. Besoek op 3 September 2023.

[imf2-5] (en) "Bahamas". Internasionale Monetêre Fonds. April 2023. Besoek op 3 September 2023.

[6] (en) "Human Development Report 2021/2022" (PDF). United Nations Development Programme. 2021. Besoek op 3 September 2023.

[7] (en) "Bahamas Living Conditions Survey 2001" (PDF). Department of Statistics. Geargiveer (PDF) vanaf die oorspronklike op 2 Junie 2020. Besoek op 27 Junie 2019.

[HAT_Taal-en-feitegids-8] HAT Taal-en-feitegids, Pearson, Desember 2013, ISBN 978-1-77578-243-8

[9] (en) "Top 5 Largest Countries in the Caribbean". Aneki.com. Besoek op 27 Junie 2019.

[10] (en) Tom Geoghegan (7 Junie 2012). "Ukraine or the Ukraine: Why do some country names have 'the'?". BBC. Besoek op 3 September 2023.

[11] (en) "Country Comparison :: GDP – per capita (PPP)". CIA World Factbook. Central Intelligence Agency. Geargiveer vanaf die oorspronklike op 23 April 2015. Besoek op 27 Junie 2019.

[12] (en) Ahrens, Wolfgang P. (2016). "Naming the Bahamas Islands: History and Folk Etymology". In Hough, Carole; Izdebska, Daria (reds.). 'Names and Their Environment': Proceedings of the 25th International Congress of Onomastic Sciences: Glasgow, 25–29 Augustus 2014, Volume 1: Keynote Lectures: Toponomastics I (PDF). Universiteit van Glasgow. p. 47. ISBN 978-0-85261-947-6. Geargiveer (PDF) vanaf die oorspronklike op 1 April 2022. Besoek op 10 Julie 2022.

[13] (en) Granberry, Julian; Vescelius, Gary (2004). Languages of the Pre-Columbian Antilles. University of Alabama Press. p. 85. ISBN 0-8173-1416-4.

[14] (en) Allsopp, Richard, red. (2003). Dictionary of Caribbean English Usage. Kingston, Jamaika: University of the West Indies Press. p. 70. ISBN 976-640-145-4.

[15] (en) Taylor, Isaac (1898). Names and Their Histories; a Handbook of Historical Geography and Topographical Nomenclature. Londen: Rivingtons. p. 58.

[16] (en) Michael Craton; Gail Saunders (1998). Islanders in the Stream: A History of the Bahamian People. University of Georgia Press. p. 471. ISBN 978-0-8203-2284-1.{{cite book}}: AS1-onderhoud: meer as een naam (link)