Bagua

Die Bagua (Chinees:八卦, ou transliterasie: Pa Koea) is agt "trigramme" wat in Taoïstiese kosmologie gebruik word as verteenwoordigend van die basiese beginsels van die werklikheid, wat as ’n reeks van agt samehangende konsepte beskou word. Elk bestaan uit drie lyne, wat óf aaneenloop óf onderbroke is. Dit verteenwoordig onderskeidelik jin of jang. Omdat hulle uit drie dele bestaan, word hulle dikwels trigramme genoem.

’n Bagua-diagram en jin en jang.

Die trigramme is verwant aan taiji-filosofie, die gevegskuns tai chi en die Wu Xing, of "Vyf Fases".[1] Die verhouding tussen die trigramme word verteenwoordig in twee rangskikkings, die Primordiale (先天八卦), "Vroeëre Hemel"[2] of Fu Xi bagua (伏羲八卦), en die Gemanifesteerde (後天八卦), "Latere Hemel,"[2] of King Wen bagua. Die trigramme het ooreenkomste in astronomie, astrologie, geografie, anatomie, die gesin, ens. [3][4]

Die antieke Chinese geskrif Yijing bestaan uit die 64 kombinasies van trigramme, wat "heksagramme" genoem word, asook kommentaar op elk.

Betekenis

Elke trigram het ’n reeks unieke interpretasies, onder meer:

Beeld Naam Eienskap Verbeeld as GesinslidLiggaamsdeel Rigting
qianKragHemelVaderKopNoorwes
kunToewyding AardeMoederMaagSuidwes
zhenBewingDonnerslag Oudste seunVoetOos
kanGevaarWaterMiddelste seunOorNoord
genRusBergJongste seunHandNoordoos
xunDeurbraak WindOudste dogterDySuidoos
liBeligtingVuurMiddelste dogter OogSuid
duiBlydskapMeerJongste dogterMondWes

Verwysings
  1. Chen, Xin (vert. Alex Golstein). The Illustrated Canon of Chen Family Taijiquan, INBI Matrix Pty Ltd, 2007. p. 11. (besoek op Scribd.com, 14 Desember 2009.)
  2. Wilhelm, Richard (1950). The I Ching or Book of Changes. vert. Cary F. Baynes, voorw. C.G. Jung, 3de uitg. (1967). Princeton, NJ: Princeton University Press. pp. 266, 269. ISBN 069109750X.
  3. Tsuei, Wei. Roots of Chinese culture and medicine Geargiveer 12 Augustus 2012 op Wayback Machine Chinese Culture Books Co., 1989.
  4. ZONG, Xiao-Fan and Liscum, Gary. Chinese Medical Palmistry: Your Health in Your Hand, Blue Poppy Press, 1999.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.