Baasskap

Baasskap is ’n term wat gedurende die beginjare van die apartheidstelsel in Suid-Afrika veral deur premier J.G. Strijdom gebruik is.[1]

Adv. J.G. Strijdom

Die letterlike betekenis is om in ’n posisie van baas te wees en premier Strijdom het erken dat die Nasionale Party se beleid een van blanke baasskap was.[1]

Dr. H.F. Verwoerd het tydens sy tydperk as eerste minister besef dat die beginsel nie moreel verdedig kon word nie en teen 1960 verklaar dat dié uitdrukking (en die strewe wat dit verteenwoordig) rasseverhoudings in Suid-Afrika bederf. Ten einde internasionale kritiek te temper het hy die beleid geherformuleer as afsonderlike ontwikkeling.[1]

Die Verenigde Party het aan ’n soortgelyke beginsel geglo, hoewel hulle dit as Blanke leierskap met geregtigheid beskryf het.[2]

Verwysings
  1. "Aparte Ontwikkeling". FAK. Geargiveer vanaf die oorspronklike op 22 Oktober 2013. Besoek op 17 Junie 2012.
  2. "Einde van 'n party" (html). Die Burger. 3 Maart 1988. Besoek op 17 Junie 2012.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.