BRICS

BRICS is 'n interregeringsorganisasie bestaande uit tien ontluikende markte, hulle is Brasilië, Rusland, Indië, die Volksrepubliek China, Suid-Afrika (die oorspronklike lidlande waarvan dié akroniem ontleen is), Egipte, Ethiopië, Iran, Saoedi-Arabië en die Verenigde Arabiese Emirate. Oorspronklik is die vier eersgenoemde lande as BRIC gegroepeer, met die aansluiting van Suid-Afrika in 2010. Al vyf BRICS-lande behoort tot die voorste nuut geïndustrialiseerde lande en is lidlande van die Groep van 20.

Die lidlande van die BRICS en hulle verteenwoordigers tydens spitsberade.
BRICS-lande
Brasilië (Federale Republiek Brasilië) President: Luiz Inácio Lula da Silva
Rusland (Russiese Federasie) President: Wladimir Poetin Eerste minister: Michail Misjoestin
Indië (Republiek Indië) President: Droupadi Murmu Eerste minister: Narendra Modi
Volksrepubliek China President: Xi Jinping Eerste Minister: Li Qiang
Suid-Afrika (Republiek van Suid-Afrika) President: Cyril Ramaphosa
Egipte (Arabiese Republiek Egipte) President: Abdel Fattah el-Sisi Eerste minister: Moustafa Madbouly
Ethiopië (Federale Demokratiese Republiek Ethiopië) President: Sahle-Work Zewde Eerste minister: Abiy Ahmed
Iran (Islamitiese Republiek Iran) Opperleier: Ali Khamenei President: Ebrahim Raisi
Saoedi-Arabië (Koninkryk Saoedi-Arabië) Monarg: Salman bin Abdoel Aziz Eerste Minister: Mohammad bin Salman
Verenigde Arabiese Emirate President: Mohamed bin Zayed Al Nahyan Eerste minister: Mohammed bin Rashid Al Maktoum

Samestelling

Die term "BRIC" is oorspronklik deur die Amerikaanse Beleggingsbank- en sekuriteitsverhandelingsmaatskappy Goldman Sachs omtrent einde 2001 vir die groot opkomende markte met 'n jaarlikse ekonomiese groei tussen vyf en tien persent, naamlik Brasilië, Rusland, Indië en die Volksrepubliek China, gebruik.[1] Sedert 2009 vergader die vier lande jaarliks vir ekonomiese en politieke ooreenkomste,[2] sedert 2010 is Suid-Afrika 'n volle lid van die BRICS.[3]

Die BRICS is weens hul groeiende ekonomie, groot bevolkings, groot oppervlaktes en ryk hulpbronne baie belangrik vir die wêreldekonomie. Rusland is met 'n oppervlakte van 17 098 246 km² by verre die grootste land ter wêreld, die Volksrepubliek China is met 'n bevolking van 1 403 500 365 in 2016 die wêreld se mees bevolkte land, gevolg deur Indië se 1 324 171 354 in 2016. Brasilië is volgens oppervlakte sowel bevolking die wêreld se vyfde grootste land.

Die vyf BRICS-lande vorm die leidende lande in hul streke: Brasilië in Latyns- en Suid-Amerika, Rusland in Oos-Europa en Noord-Asië, Indië in Suid-Asië, die Volksrepubliek China in Oos-Asië en Suid-Afrika in Afrika.

Doelwitte en ekonomiese agtergrond

Die doelwitte van die BRICS-lande sluit in die wedersydse ondersteuning in ekonomiese en politiese kwessies asook die oprigting van eie internasionale instellings vir wedersydse beleggings, soos die Nuwe Ontwikkelingsbank.

Sedert die middel-2010's word die ekonomieë van die vyf BRICS-lede deur krisisse en dalende groei gekenmerk. As gevolg van die Krim-anneksasie deur Rusland is die Russiese ekonomie deur die Europese Unie en die Verenigde State aan sanksies onderwerp. Brasilië en Suid-Afrika moet met wydverspreide korrupsie en min ekonomiese groei veg. Net die Volksrepubliek China en Indië toon sedert baie jare 'n konstante ekonomiese groei van meer as vyf persent per jaar.

Uitbreiding met vyf nuwe lede

BRICS-leiers op 24 Augustus tydens aankondiging van die uitbreiding

Op 24 Augustus 2023, tydens die 15de BRICS-beraad, het die Suid-Afrikaanse president Cyril Ramaphosa aangekondig dat Argentinië, Egipte, Ethiopië, Iran, Saoedi-Arabië en die Verenigde Arabiese Emirate deur die huidige lede genooi is om by die blok aan te sluit.[4] Volle lidmaatskap sal op 1 Januarie 2024 in werking tree.[5]

Die doel van hierdie uitbreiding word voorgehou as deel van die plan om 'n "multipolêre" wêreldorde te bou wat gewig gee aan tot dusver gedempte stemme van die Globale Suide en hulle na die sentrum van die wêreldagenda te bring.[6] Op 30 Desember 2023 het die nuwe Argentynse regering egter aan dié land se aansoekproses onttrek en die uitnodiging vir aansluiting van die hand gewys.[7]

Spitsberade

No.	Datum(s)	Gasland	Gasheer	Plek	Notas
1ste	16 Junie 2009	Rusland	Dmitri Medwedef	Jekaterinburg
2de	15 April 2010	Brasilië	Luiz Inácio Lula da Silva	Brasília	Gaste: Jacob Zuma (President van Suid-Afrika) en Riyad al-Maliki (Palestina se Minister van Buitelandse Sake)
3de	14 April 2011	Volksrepubliek China	Hu Jintao	Sanya	Eerste spitsberaad met Suid-Afrika ingesluit by die oorspronklike BRIC-lande.
4de	29 Maart 2012	Indië	Manmohan Singh	Nieu-Delhi	Die BRICS-kabel kondig 'n optiese vesel ondersese kommunikasiekabel-stelsel vir telekommunikasie tussen die BRICS-lande aan.
5de	26–27 Maart 2013	Suid-Afrika	Jacob Zuma	Durban
6de	14–17 Julie 2014	Brasilië	Dilma Rousseff	Fortaleza[8] Brasília	Ooreenkomste vir die Nuwe Ontwikkelingsbank en die Voorwaardelike Reserweraad onderteken. Gaste: Leiers van die Unie van Suid-Amerikaanse Nasies (UNASUR)[9][10]
7de	8–9 Julie 2015	Rusland	Wladimir Poetin	Oefa[11]	Gemeenskaplike beraad met SCO-EEU
8ste	15–16 Oktober 2016	Indië	Narendra Modi	Benaulim	Gemeenskaplike beraad met BIMSTEC
9de	3–5 September 2017	Volksrepubliek China	Xi Jinping	Xiamen	Gemeenskaplike beraad met EMDCD
10de	3–5 September 2018	Suid-Afrika	Cyril Ramaphosa	Johannesburg
11de	13–14 November 2019	Brasilië	Luiz Inácio Lula da Silva	Brasília
12de	17 November 2020	Rusland	Wladimir Poetin	Sint Petersburg	Videokonferensie
13de	9 September 2021	Indië	Narendra Modi	Nieu-Delhi	Videokonferensie
14de	23 Junie 2022	Volksrepubliek China	Xi Jinping	Beijing	Videokonferensie
15de	22–24 Augustus 2023	Suid-Afrika	Cyril Ramaphosa	Johannesburg	Ses lande, naamlik Argentinië, Egipte, Ethiopië, Iran, Saoedi-Arabië en die Verenigde Arabiese Emirate word genooi om in Januarie 2024 ook lede van BRICS te word.

Hedendaagse BRICS-leiers

Brasilië
Luiz Inácio Lula da Silva, President
(Hoof van staat en regering)
Rusland
Wladimir Poetin, President
(Staatshoof)
Indië
Narendra Modi, Eerste minister
(Regeringshoof)
Volksrepubliek China
Xi Jinping, President
(Staatshoof)
(Sekretaris-generaal as de facto leier sedert 15 November 2012)
Suid-Afrika
Cyril Ramaphosa, President
(Hoof van staat en regering)
Egipte
Abdel Fattah el-Sisi, President
(Staatshoof)
Ethiopië
Sahle-Work Zewde, President
(Staatshoof)
Iran
Ebrahim Raisi, President
(Regeringshoof)
Saoedi-Arabië
Salman bin Abdoel Aziz, Monarg
(Hoof van staat en regering)
Verenigde Arabiese Emirate
Mohammed bin Zayed Al Nahyan, President
(Staatshoof)

Sien ook

Groep van Agt

Verwysings

(en) Jim O' Neill (2001). "Building Better Global Economic BRICs". Goldman Sachs. Besoek op 30 Desember 2017.
(en) "First summit for emerging giants". BBC. 16 Junie 2009. Besoek op 26 Augustus 2023.
(en) Antonio Graceffo (21 Januarie 2011). "BRIC Becomes BRICS: Changes on the Geopolitical Chessboard". Foreign Policy Journal. Geargiveer vanaf die oorspronklike op 30 April 2020. Besoek op 30 Desember 2017.
(en) Sharma Shweta (24 Augustus 2023). "BRICS Countries Agree Historic Expansion as Six New Countries Invited to Join". The Independent. Besoek op 26 Augustus 2023.
"BRICS To Admit Six New Members Next Year". Barrons. 24 Augustus 2023. Besoek op 26 Augustus 2023.
(en) "Saudi Arabia, Iran among six nations invited to join BRICS". Al Jazeera. 24 Augustus 2023. Besoek op 26 Augustus 2023.
(en) "Argentina Won't Join the BRICS Bloc Under Milei, Adviser Says". Bloomberg. 30 November 2023. Besoek op 30 November 2023.
(pt) "A Cúpula de Durban e o futuro dos BRICS". Post-Western World. 4 Julie 2013. Besoek op 30 Desember 2017.
(es) "Los líderes del BRICS, Unasur, Cuba, México y Costa Rica se citan en Brasilia". LaVanguardia.com. LaVanguardia. 15 Julie 2014. Geargiveer vanaf die oorspronklike op 9 Oktober 2019. Besoek op 30 Desember 2017.
(en) "BRICS summit: PM Modi to leave for Brazil tomorrow, will seek reforms". Hindustan Times. 13 Julie 2014. Geargiveer vanaf die oorspronklike op 9 Oktober 2019. Besoek op 30 Desember 2017.
(en) "Ufa to host SCO and BRICS summits in 2015". UfaCity.info. 9 Augustus 2012. Geargiveer vanaf die oorspronklike op 11 Oktober 2017. Besoek op 30 Desember 2017.

Eksterne skakels

Wikimedia Commons het meer media in die kategorie BRICS.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] (en) Jim O' Neill (2001). "Building Better Global Economic BRICs". Goldman Sachs. Besoek op 30 Desember 2017.

[2] (en) "First summit for emerging giants". BBC. 16 Junie 2009. Besoek op 26 Augustus 2023.

[3] (en) Antonio Graceffo (21 Januarie 2011). "BRIC Becomes BRICS: Changes on the Geopolitical Chessboard". Foreign Policy Journal. Geargiveer vanaf die oorspronklike op 30 April 2020. Besoek op 30 Desember 2017.

[4] (en) Sharma Shweta (24 Augustus 2023). "BRICS Countries Agree Historic Expansion as Six New Countries Invited to Join". The Independent. Besoek op 26 Augustus 2023.

[5] "BRICS To Admit Six New Members Next Year". Barrons. 24 Augustus 2023. Besoek op 26 Augustus 2023.

[6] (en) "Saudi Arabia, Iran among six nations invited to join BRICS". Al Jazeera. 24 Augustus 2023. Besoek op 26 Augustus 2023.

[7] (en) "Argentina Won't Join the BRICS Bloc Under Milei, Adviser Says". Bloomberg. 30 November 2023. Besoek op 30 November 2023.

[8] (pt) "A Cúpula de Durban e o futuro dos BRICS". Post-Western World. 4 Julie 2013. Besoek op 30 Desember 2017.

[UNASUR-9] (es) "Los líderes del BRICS, Unasur, Cuba, México y Costa Rica se citan en Brasilia". LaVanguardia.com. LaVanguardia. 15 Julie 2014. Geargiveer vanaf die oorspronklike op 9 Oktober 2019. Besoek op 30 Desember 2017.

[invitation2-10] (en) "BRICS summit: PM Modi to leave for Brazil tomorrow, will seek reforms". Hindustan Times. 13 Julie 2014. Geargiveer vanaf die oorspronklike op 9 Oktober 2019. Besoek op 30 Desember 2017.

[11] (en) "Ufa to host SCO and BRICS summits in 2015". UfaCity.info. 9 Augustus 2012. Geargiveer vanaf die oorspronklike op 11 Oktober 2017. Besoek op 30 Desember 2017.

BRICS
Lidmaatskap	Brasilië Rusland Indië China Suid-Afrika
Spitsberade	Yekaterinburg 2009 Brasília 2010 Sanya 2011 New Delhi 2012 Durban 2013 Fortaleza 2014 Ufa 2015 Goa 2016 Xiamen 2017 Johannesburg 2018 Brasília 2019 Saint Petersburg 2020 New Delhi 2021 Beijing 2022 Johannesburg 2023
Bilaterale betrekkinge	Brasilië–China Brasilië–Indië Brasilië–Rusland Brasilië–Suid-Afrika China–Indië China–Rusland China–Suid-Afrika Indië–Rusland Indië–Suid-Afrika Rusland–Suid-Afrika
Leiers	Lula Putin Modi Xi Ramaphosa
Verwant	New Development Bank BRICS Contingent Reserve Arrangement BRICS Leiers BRICS Cable BRICS Universities League
BRICS U-17 Sokkerbeker	2016 Goa 2018 Johannesburg

Internasionale betrekkinge
Organisasie	BRICS Kollektiewe Veiligheidsverdragorganisasie Internasionale Strafhof Volkebond Beweging van Onverbonde Lande Noord-Atlantiese Verdragsorganisasie Sjanghai-samewerkingsorganisasie Verenigde Nasies Warskouverdrag
Geskiedenis	1648–1814 1814–1919 1919–1939 Diplomatieke geskiedenis van die Tweede Wêreldoorlog Koue Oorlog Internasionale betrekkinge sedert 1989
Konsepte	Paaibeleid Kollektiewe veiligheid Kolonialisme Gryssone Hegemonie Idealisme Internasionale gemeenskap Internasionalisme Liberale institusionalisme Niestaatsakteur Imperialisme Vrede Mag Soewereiniteit Susereiniteit Verdrag Oorlog Globale Suide en Globale Noorde
Teorie	Konstruktivisme Liberalisme Marxistiese teorie van internasionale betrekkinge Vrede teorieë Realisme
Verwante velde	Diplomasie Diplomatieke sending Geopolitiek Internasionale reg