Aviv Kochavi

Aviv Kochavi, Hebreeus: אביב כוכבי , (gebore 23 April 1964) is 'n Israelse generaal. Hy was van 15 Januarie 2019 tot 16 Januarie 2023 die bevelvoerder van die Israelse Weermag (Ramatkal). Hy het Gadi Eisenkot opgevolg en is op sy beurt deur Herzi Halevi opgevolg.

Aviv Kochavi אביב כוכבי
Luitenant-generaal Aviv Kochavi
Geboortedatum	23 April 1964 (1964-04-23)
Geboorteplek	Kiryat Bialik
Lojaliteit	Israel
Diens/Tak	Tzahal (Israelse Weermag)
Jare in diens	1982-2023
Rang	luitenant-generaal (Raf Aluf)

Kochavi het in sy geboortedorp, Kiryat Bialik, opgegroei, 'n stad noordoostelik van Haifa.

In 1982 het hy in die militêre diens getree, by die valskermbrigade aangesluit en 'n offisier geword.

Hy het aan die Eerste en die Tweede Intifada deelgeneem, die oorloë in Libanon in 1982 en 2006 asook aan militêre operasies in die Gasastrook.

Kochavi was die bevelvoerder van verskeie eenhede. So was hy in 2005 die Gasa divisie se bevelvoerder gewees en het die divisie se operasies gelei. Van 2010 tot 2014 was hy die hoof van die militêre intelligensiediens Aman gewees, van 2014 tot 2017 van die noordelike kommando en van 2017 tot 2019 die weermag se adjunk-bevelvoerder.

Kochavi het filosofie aan die Hebreeuse Universiteit van Jerusalem studeer. Hy het ook bestuurskunde aan die Harvard-universiteit en internasionale betrekkinge aan die Johns Hopkins-universiteit studeer.

Hy is getroud, het drie dogters en is 'n vegetariër.