Atjehs

Atjehs of Acehnees (Bahsa/Basa Acèh, بهسا اچيه, [bahsa at͡ʃeh]; letterlik: "taal van Atjeh") is 'n Maleis-Polinesiese taal wat in Suidoos-Asië op die eiland Sumatra van Indonesië asook deur Atjehs-emigrante in die Maleisiese deelstaat Kedah gepraat word. Die taal word tans deur sowat 3,5 miljoen mense gepraat, hoofsaaklik Atjehs of Acehnese. Dit word met die Latynse of die Arabiese alfabet geskryf. Die Arabiese alfabet is deur Arabiese handelaars na Atjeh saamgebring, terwyl tydens die bestaan van Nederlands-Indië die Latynse alfabet in algemene gebruik gekom het.

Hikayat Prang Sabi in Atjehs in die Arabiese alfabet geskryf

Atjehs, Acehnees Bahsa/Basa Acèh, بهسا اچيه
Uitspraak:	[bahsa at͡ʃeh]
Gepraat in:	Indonesië  Maleisië
Gebied:	Suidoos-Asië
Totale sprekers:	3,5 miljoen[1]
Taalfamilie:	Austronesies  Maleis-Polinesies   Kern-Maleis-Polinesies    Maleis-Soembawa     Chamis      Atjehs, Acehnees
Skrifstelsel:	Latynse alfabet (algemeen) Arabiese alfabet (Jawi)
Taalkodes
ISO 639-1:	geen
ISO 639-2:
ISO 639-3:	ace

Atjehs word veral in die provinsie Atjeh op die westelike deel van die eiland Sumatra, hoofsaaklik langs die noordelike en westelike kus, gepraat. Dit was eens die amptelike taal van die Sultanaat Atjeh wat groot gebiede van dié streek oorheers het.