Aston Martin F1

Aston Martin is 'n Britse motorvervaardiger wat reeds histories aan Formule Eenwedrenne deelgeneem het. Die maatskappy het die eerste keer aan Formule Een deelgeneem tydens die 1959-seisoen, toe hulle die DBR4-onderstel met hul eie enjin ingeskryf het, maar geen punte kon behaal nie. Hulle het gedurende die 1960-seisoen steeds swak presteer, en weer eens geen punte behaal nie. As gevolg hiervan het Aston Martin besluit om homself ná 1960 uit Formule Een te onttrek.

'n Kommersiële handelsmerkverandering van die Racing Point F1-span het daartoe gelei dat hierdie span vanaf 2021 as Aston Martin bekend staan, en met Mercedes-krageenhede meeding. Die spanhoof is Mike Krack, met Lance Stroll en Fernando Alonso hul renjaers in 2023, nadat Sebastian Vettel aan die einde van 2022 uitgetree het.