Asteekse Driebond

Die Asteekse Driebond (Nahuatl: Ēxcān Tlahtōlōyān, [ˈjéːʃkaːn̥ t͡ɬaʔtoːˈlóːjaːn̥], ook Trippel- of Drievoudige Alliansie genoem), beter bekend as die Asteekse Ryk, was 'n alliansie van drie Asteekse stadstate: Tenochtitlan, Tekskoko en Tlacopan. Die stadstate het oor die gebied in en rondom die Vallei van Meksiko tussen 1428 tot in 1521 geheers, toe hulle deur die Spaanse conquistadores en hul inheemse geallieerdes onder bevel van Hernán Cortés tydens die Spaanse verowering van die Asteekse Ryk verslaan is.

Kaart van die Vallei van Meksiko rondom 1519 met die drie hoofstede van die Asteekse driebond: Tenochtitlan, Tekskoko en Tlacopan
Asteekse Ryk stuur hierheen aan. Vir die mense van die Asteekse Ryk, sien Asteke.
Ēxcān Tlahtōlōyān
Asteekse Driebond
↓ 1428–1521 →
Vlag Wapenskild
Vlag Wapen
Ligging of Asteekse Ryk
Ligging of Asteekse Ryk
Die Asteekse Driebond in sy grootste uitbreiding in 1519
Hoofstad Tenochtitlan
19°26′N 99°8′W
Taal/Tale Nahuatl
Godsdiens Asteekse mitologie
Regering Monargie
Historiese tydperk Middeleeue
 - Stigting van die Asteekse Driebond[1]13 Maart 1428
 - Spaanse verowering van die Asteekse Ryk13 Augustus 1521
Oppervlakte
 - 1520304 325 km2
117 501 sq mi
Geldeenheid Quachtli, Kakaobone
Voorafgegaan deur		Opgevolg deur
Tenochtitlan
Tlatelolco
Tlacopan
Xochimilco
Colhuacan
Nieu-Spanje

Die Asteekse Driebond is in 1427 deur Itzcoatl uit Tenochtitlan en Nezahualcoyotl uit Tekskoko gevorm nadat beide die Tepaneekse oorheersers uit Azcapotzalco afgewerp het. Saam met die kleiner stadstaat Tlacopan, in der waarheid 'n oorblyfsel van Azcapotzalco, het hulle die Driebond gevorm. Ondanks die naam was Tenochtitlan die dominante lid en Tlacopan die swakste. Tenochtitlan en Tekskoko het elk twee vyfdes van alle inkomste ontvang, terwyl Tlacopan een vyfde ontvang het. Toe Spanjaarde in 1519 gearriveer het, was Tlacopan as 'n aparte stadstaat byna verdwene en is die gebiede van die Alliansie vanuit Tenochtitlan geregeer, terwyl ander inheemse volke soos Mixteke en Zapoteke hul onafhanklikheid kon bewaar.

Op sy hoogtepunt het die Alliansie die grootste gedeelte van sentrale Meksiko van kus tot kus beheer, met uitsondering van 'n klein gebied ten suidooste van Tenochtitlan, die Tlaxcalteekse stadstate, wat rofweg die hedendaagse Meksikaanse deelstaat Tlaxcala is. Dit was die Tlaxcalteke wat bondgenote met Hernán Cortés in 1521 geword het om uiteindelik die Alliansie te vernietig.

Sien ook

Verwysings
  1. "El tributo a la Triple Alianza". Arqueología Mexicana (in Spaans). 7 Oktober 2018. Geargiveer vanaf die oorspronklike op 30 Julie 2019.

Verdere leesstof
  • (en) Davies, Nigel (1973). The Aztecs: A History. University of Oklahoma Press. ISBN 978-0-8061-1691-4.
  • (en) Hassig, Ross (1988). Aztec Warfare: Imperial Expansion and Political Control. University of Oklahoma Press. ISBN 0-8061-2121-1.
  • (en) Leon-Portilla, Miguel (1963). Aztec Thought and Culture: A Study of the Ancient Náhuatl Mind. University of Oklahoma Press. ISBN 978-0-8061-2295-3.
  • (en) Smith, Michael (1984). "The Aztec Migrations of Nahuatl Chronicles: Myth or History?" (PDF). Ethnohistory. 31 (3): 153–168. doi:10.2307/482619.
  • (en) Smith, Michael (2009). The Aztecs, 2nd Edition. Malden, MA: Blackwell Publishing. ISBN 0-631-23015-7.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.