Armoede
Armoede is die status waarin 'n individu(e) verkeer wanneer die persoon of persone nie hul eie, sowel as die mense wat afhanklik van hulle is, se basiese ekonomiese behoeftes kan bevredig nie. Die mense sukkel dus om te oorleef in 'n moderne samelewing. Gevolglik kan daar nie 'n voldoende lewenstandaard gehandhaaf word nie.
Oorsake
Vir individue wat 'n ondergemiddelde vermoë het om geld te verdien of dit te administreer, is die kans veel groter dat hulle arm sal wees. Hierdie groep mense sluit gewoonlik veral die ouer geslag en mense met gestremdhede in. 'n Gebrek aan onderwys dra grotendeels by tot die ontstaan van armoede. Lae ekonomiese ontwikkeling dra ook daartoe by.
Armoede en ontwikkeling
Vroeg in die 21ste eeu leef die helfte van die bevolking van Afrika suid van die Sahara in armoede. Van die 48 mins ontwikkelde lande in die wêreld kom 33 in Afrika voor, waaronder van Suid-Afrika se onmiddellike bure soos Mosambiek, Lesotho en Eswatini. As gevolg van armoede word 20% van Suid-Afrika se vrugbare bogrond jaarliks verloor omdat mense bloot nie die geld of die tegnologiese kundigheid het om iets daaraan te doen nie. Daar word jaarliks 11 miljoen hektaar woude afgekap om as brandhout gebruik te word of om grond skoon te maak vir landbou. Bruikbare landbougrond word onbruikbare woestyngrond teen 'n tempo van 27 miljoen hektaar per jaar. << Hierdie inligting is omstrede >> -->
Daar word bereken dat 'n halfmiljard mense daagliks honger ly en dat tussen 15 en 20 miljoen jaarliks weens hongersnood sterf. Die gevolg van armoede, veral onder die plattelandse bevolking, is dat ál hoe meer mense na die stede trek. Die afgelope 40 jaar het die stedelike bevolking van ontwikkelde lande verdubbel, terwyl dit in ontwikkelende lande vyfvuldig toegeneem het.
Sien ook
- Armoedeverligting
- Ekonomiese ongelykheid
- Ekonomie
- Korrupsie
- Werkloosheid
- Bedelary
