Arecibo-boodskap

Die Arecibo-boodskap is ’n radioboodskap wat in 1974 die ruimte ingestuur is met die heropening van die Arecibo-radioteleskoop in Puerto Rico.[1] Die boodskap is gerig op die sterreswerm Messier 13, sowat 25 000 ligjare van die Aarde af. Wanneer dit sy bestemming bereik, sal M13 nie meer in daardie deel van die ruimte wees nie.[2]

Die boodskap is op dié afbeelding ingekleur om die aparte onderdele daarvan te demonstreer. Die oorspronklike boodskap bevat nie enige kleurinligting nie.

Die boodskap bestaan uit 1 679 bis wat uitgestuur is op ’n frekwensie van 2 380 MHz en frekwensiegemoduleer met 10 Hz. Die volledige sein het drie minute geduur en is nie herhaal nie.[3] Die getal 1 679 is gekies omdat dit ’n semipriemgetal is, en daarom kon dit opgedeel word in 23 rye en 73 kolomme, of 73 rye en 23 kolomme. Wanneer die inligting op die eerste manier gerangskik word (23 rye, 73 kolomme) word onsin geproduseer, maar wanneer dit op die tweede manier gerangskik word (73 rye, 23 kolomme), word die afbeelding regs gevorm – daar word veronderstel dit sal as data herkenbaar wees. (Die kleure is net ter verduideliking; die oorspronklike boodskap bevat geen kleur nie.)

’n Mens kan die afbeelding in verskillende dele opdeel (gelees van bo na onder en van links na regs):

Die getalle een (1) tot en met tien (10).
Die atoomgetalle van die elemente waterstof, koolstof, stikstof, suurstof en fosfor. Dié atome is die boustene van deoksiribonukleïnesuur (DNS).
Die formules van die koolhidrate en die basisse in die nukleotides van DNS.
Die aantal nukleotides in DNS en ’n grafiese voorstelling van die dubbele heliksstruktuur van DNS.
’n Grafiese voorstelling van die figuur van ’n mens, die afmetings van ’n gemiddelde mens en die bevolking op Aarde.
’n Grafiese voorstelling van die Sonnestelsel waartoe die Aarde behoort.
’n Grafiese voorstelling van die Arecibo-radioteleskoop en die deursnee van die antenneskottel.

Aangesien dit 25 000 jaar sal duur voor die boodskap sy bestemming bereik (en nog 25 000 jaar voor ’n antwoord gekry kan word) is die Arecibo-boodskap eerder ’n demonstrasie van tegnologie as ’n egte poging om met buiteaardse lewe kontak te maak.[1]

Die boodskap is geskryf deur dr. Frank Drake (wat die bekende Drake-vergelyking opgestel het) met die hulp van onder andere Carl Sagan.[1]

Uitleg

Getalle

Deel 1: die syfers van 1 tot en met 10

1 2 3 4 5 6 7 8  9  10
----------------------
0 0 0 1 1 1 1 00 00 00
0 1 1 0 0 1 1 00 00 10
1 0 1 0 1 0 1 01 11 01
X X X X X X X X  X  X  ← dui die eenheid met die kleinste waarde aan

Die getalle 1 tot en met 10 worde in binêre getalle weergegee

Boustene van DNS

Deel 2: die samestellende elemente van DNS

H C N O P
1 6 7 8 15
----------
0 0 0 1 1
0 1 1 0 1
0 1 1 0 1
1 0 1 0 1
X X X X X

Die getalle 1, 6, 7, 8 en 15 verskyn in die boodskap. Dit is die atoomgetalle van waterstof (H), koolstof (C), stikstof (N), suurstof (O) en fosfor (P) – die samenstellende elemente van DNS.

Nukleotides


Deoksiribose (C₅H₇O)	Adenien (C₅H₄N₅)	Timien (C₅H₅N₂O₂)	Deoksiribose (C₅H₇O)
Fosfaat (PO₄)			Fosfaat (PO₄)
Deoksiribose (C₅H₇O)	Sitosien (C₄H₄N₃O)	Guanien (C₅H₄N₅O)	Deoksiribose (C₅H₇O)
Fosfaat (PO₄)			Fosfaat (PO₄)

Die nukleotides word beskryf as ’n sekwensie van die vyf atome wat op die vorige lyn verskyn. Elke sekwensie stel ’n molekulêre formule voor van die nukleotide soos dit in die DNS voorkom (en dus nie die vrye vorm van die nukleotide nie).

Byvoorbeeld, deoksiribose (C₅H₇O in DNS; C₅H₁₀O₄ wanneer dit vry voorkom), die nukleotide in die boonste linkerhoek van die afbeelding, word gelees as:

11000
10000
11010
XXXXX
-----
75010

dit is: 7 atome waterstof, 5 atome koolstof, 0 atome stikstof, 1 atoom suurstof en 0 atome fosfor.

Dubbele heliks

Deel 4: die dubbele heliksstruktuur van DNS

1111111111110111 1111101101011110 (binêr)
= 4 294 441 822 (desimaal)

Die dubbele heliksstruktuur van DNS. Die vertikale lyn stel die aantal nukleotides voor. Die afgebeelde waarde is ongeveer 4,3 miljard, terwyl net ongeveer 3,2 miljard basispare hulle in werklikheid in die menslike genoom bevind.

Mensheid

Deel 5: die menslike vorm, die grootte van die mens en die bevolking

        X011011
         111111
X0111    110111
         111011
         111111
         110000

1110 (binêr) = 14 (desimaal)

000011 111111 110111 111011 111111 110110 (binêr)
= 4 292 853 750 (desimaal)

Die afbeelding in die middel stel die mens voor. Links op die afbeelding word die gemiddelde lengte van ’n persoon voorgestel: 1 764 mm. Dit kom ooreen met die horisontaal geskrewe binêr 14 vermenigvuldig met die golflengte van die boodskap (126 mm). Regs op die afbeelding staan die grootte van die menslike bevolking in 1974: ongeveer 4,2 miljard.

Planete

Deel 6: die Son en die planete

                    Aarde
Son Mercurius Venus       Mars Jupiter Saturnus Uranus Neptunus Pluto

Dit stel die Sonnestelsel voor met die Son en die planete in die volgorde van die Son af: Mercurius, Venus, Aarde, Mars, Jupiter, Saturnus, Uranus, Neptunus en Pluto.

Die Aarde is die derde planeet van die Son af. Dit word grafies aangedui deur dit hoër te plaas om aan te dui dit is die planeet van waar die sein gestuur is.

Teleskoop

Deel 7: die Arecibo-radioteleskoop

onderste twee rye:       100101
                      ←  111110X  →

100101 111110 (binêr) = 2 430 (desimaal)

Die laaste deel stel die Arecibo-radioteleskoop en sy deursnee voor (2 430 vermenigvuldig met die golflengte gee 306,18 m).

Die totale binêre boodskap lyk dus so:

00000010101010000000000
00101000001010000000100
10001000100010010110010
10101010101010100100100
00000000000000000000000
00000000000011000000000
00000000001101000000000
00000000001101000000000
00000000010101000000000
00000000011111000000000
00000000000000000000000
11000011100011000011000
10000000000000110010000
11010001100011000011010
11111011111011111011111
00000000000000000000000
00010000000000000000010
00000000000000000000000
00001000000000000000001
11111000000000000011111
00000000000000000000000
11000011000011100011000
10000000100000000010000
11010000110001110011010
11111011111011111011111
00000000000000000000000
00010000001100000000010
00000000001100000000000
00001000001100000000001
11111000001100000011111
00000000001100000000000
00100000000100000000100
00010000001100000001000
00001100001100000010000
00000011000100001100000
00000000001100110000000
00000011000100001100000
00001100001100000010000
00010000001000000001000
00100000001100000000100
01000000001100000000100
01000000000100000001000
00100000001000000010000
00010000000000001100000
00001100000000110000000
00100011101011000000000
00100000001000000000000
00100000111110000000000
00100001011101001011011
00000010011100100111111
10111000011100000110111
00000000010100000111011
00100000010100000111111
00100000010100000110000
00100000110110000000000
00000000000000000000000
00111000001000000000000
00111010100010101010101
00111000000000101010100
00000000000000101000000
00000000111110000000000
00000011111111100000000
00001110000000111000000
00011000000000001100000
00110100000000010110000
01100110000000110011000
01000101000001010001000
01000100100010010001000
00000100010100010000000
00000100001000010000000
00000100000000010000000
00000001001010000000000
01111001111101001111000

Verwysings

"Cornell News: It's the 25th anniversary of Earth's first (and only) attempt to phone E.T." (in Engels). 12 November 1999. Geargiveer vanaf die oorspronklike op 21 Januarie 2013. Besoek op 29 Maart 2008.
Larry Klaes (30 November 2005). "Making Contact". Ithaca Times. Geargiveer vanaf die oorspronklike op 7 Januarie 2009. Besoek op 27 Julie 2007.
Jay M. Pasachoff. "Chapter 20: Life in the Universe". Astronomy: From the Earth to the Universe (in Engels). Geargiveer vanaf die oorspronklike op 17 Oktober 2010. Besoek op 5 Mei 2007.

Eksterne skakels

Interstellêre radioboodskappe
Cornell-nuus: Herdenking van die Arecibo-boodskap

Wikimedia Commons het meer media in die kategorie Arecibo-boodskap.
Hierdie artikel is vertaal uit die Nederlandse Wikipedia

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[phoneet-1] "Cornell News: It's the 25th anniversary of Earth's first (and only) attempt to phone E.T." (in Engels). 12 November 1999. Geargiveer vanaf die oorspronklike op 21 Januarie 2013. Besoek op 29 Maart 2008.

[2] Larry Klaes (30 November 2005). "Making Contact". Ithaca Times. Geargiveer vanaf die oorspronklike op 7 Januarie 2009. Besoek op 27 Julie 2007.

[3] Jay M. Pasachoff. "Chapter 20: Life in the Universe". Astronomy: From the Earth to the Universe (in Engels). Geargiveer vanaf die oorspronklike op 17 Oktober 2010. Besoek op 5 Mei 2007.