Anzjoe-eilande

Die Anzjoe-eilande (Russies: острова Анжу; Jakoeties: Анжу арыылара) is ’n subgroep van die Nieu-Siberiese Eilande. Hulle is geleë noord van die Oos-Siberiese kus tussen die Laptef-see en die Oos-Siberiese See noord van Sacha (Jakoetië). Die totale oppervlakte van die Anzjoe-eilande is sowat 29 000 km².

Anzjoe-eilande Inheemse naam: острова Анжу, Анжу арыылара
Die Nieu-Siberiese Eilande.
Geografie
Ligging	Rusland, Arktiese Oseaan
Koördinate	75°28′N 143°02′O
Argipel	Nieu-Siberiese Eilande
Totale eilande	6
Hoofeilande	Kotelni-eiland, Faddejefski-eiland, Boenge-land, Nanosni-eiland, Nowaja Sibir, Belkofski-eiland
Oppervlakte	29 900 vk km
Administrasie
Rusland
Republiek	Jakoetië
Demografie
Bevolking	0

Die hoofeilande van die subgroep is (van wes na oos):

• Belkofski-eiland (о. Бельковский; 500 km²)
• Kotelni-eiland (о. Коте́льный; 11 700 km²) en Faddejefski-eiland (о. Фадде́евский; 5 300 km²), wat verbind word deur Boenge-land (земля́ Бу́нге; 6 200 km², wat soms deur die see oorstroom is).
• Nowaja Sibir (о. Но́вая Сиби́рь; 6 200 km²)

Die eilande is genoem na die Russiese ontdekkingsreisiger Pjotr Fjodorowitsj Anzjoe, ’n Russies-gebore afstammeling van Protestantse vlugtelinge van die Franse provinsie Anjou. Hulle is feitlik onbewoon. Hulle behoort administratief aan Sacha (Jakoetië), ’n republiek van die Russiese Federasie.