Andriana

Andriana verwys na beide die adellike klas en ’n adellike titel van die voormalige Koninkryk Imerina op Madagaskar. Baie Malgassiese etniese groepe is histories in kastegebaseerde sosiale ordes ingedeel waarin die andriana die hoogste klas was. Die ander klasse was die hova (vry burgers) en andevo (slawe).[1] Die andriana-klas het oorspronklik die adel, vegters en grondbesitters van die Merina-gemeenskap ingesluit. Hulle het net met mekaar getrou en het sekere voorregte geniet.[2]

Radama I was van die andriana-klas van die Merina-volk. ’n Portret deur Ramanankirahina.

Die woord andriana het dikwels deel van die naam van Malgassiese konings, prinse en adellikes uitgemaak. Die konsep was egter nie tot die Merina-volk beperk nie; dit is ook vir adellikes van ander etniese groepe op Madagaskar gebruik, soos die Betsileo en ander.

Verwysings

Anthony Appiah; Henry Louis Gates (2010). Encyclopedia of Africa. Oxford University Press. p. 104. ISBN 978-0-19-533770-9.
Gwyn Campbell (2005). An Economic History of Imperial Madagascar, 1750-1895: The Rise and Fall of an Island Empire. Cambridge University Press. ISBN 978-0-521-83935-8.

Eksterne skakels

Hierdie artikel is vertaal uit die Engelse Wikipedia

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Anthony Appiah; Henry Louis Gates (2010). Encyclopedia of Africa. Oxford University Press. p. 104. ISBN 978-0-19-533770-9.

[2] Gwyn Campbell (2005). An Economic History of Imperial Madagascar, 1750-1895: The Rise and Fall of an Island Empire. Cambridge University Press. ISBN 978-0-521-83935-8.