André Joubert

André Johan Joubert (gebore 15 April 1964 in Ladysmith, KwaZulu-Natal) is 'n voormalige Suid-Afrikaanse rugbyspeler. Hy was welbekend as "die Rolls-Royce van Heelagters" vir sy spoed, klas en moeitelose styl.[1] Hy het 34 keer op heelagter vir die Springbokke uitgedraf in die 1990′s, en 115 toetspunte waarvan tien drieë, 17 strafskoppe en sewe doelskoppe opgestapel.[2] Hy was 'n lid van die span wat die Rugbywêreldbeker 1995 gewen het.

André Joubert Rugbyportaal
Volle naam André Johan Joubert
Geboortedatum 15 April 1964 (1964-04-15)
Geboorteplek Ladysmith, Suid-Afrika
Lengte 1,87 m
Massa 92 kg
Skool Ladysmith Hoërskool
Universiteit Universiteit van die Vrystaat
Eggenote Sandra
Rugbyloopbaan
Loopbaan as speler
Posisie(s) Heelagter
Provinsiale- / Staatspanne
Jare Klub / span Weds (pte)
1986–1991
1992–1999		 Vrystaat
Haaie		 33
95		 (292)
(873)
Superrugby/Verenigde Rugbykampioenskap
Jare Klub / span Weds (pte)
1996–1999 Haaie 35 (224)
Nasionale span(ne)
Jare Land Weds (pte)
1989–1997 Vlag van Suid-Afrika Suid-Afrika 34 (115)
Nasionale Sewesspan
Jare Land Toernooie
1992–1994 Suid-Afrika

Rugbywêreldbeker 1995

Joubert het 'n groot rol in die Springbokke se sukses tydens die Rugbywêreldbeker 1995 gespeel. Hy het 'n uitstaande vertoning gelewer in die 15–12-oorwinning teen die All Blacks in die eindstryd,[1] al het hy met 'n gebreekte hand gespeel. Die kwarteindstryd was byna Joubert se laaste toe hy sy hand gebreek het in kontak met die Wes-Samoaanse speler George Harder. Hy het daardie selfde nag 'n operasie ondergaan.

Verwysings
  1. (en) Richardson, James. "Rugby World Cup icons: Andre Joubert the Rolls-Royce of fullbacks". The South African. Besoek op 8 September 2019.
  2. (en) "Andre Johan Joubert". ESPNscrum. Besoek op 4 April 2021.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.