Anchorage
Anchorage (letterlik: "ankerplek") is 'n stad in die Amerikaanse deelstaat Alaska. Met 'n bevolking van 260 283 (volgens die 2000-sensus) is Anchorage die grootste stad en ekonomiese sentrum van die deelstaat Alaska. 'n Bietjie minder as die helfte van die deelstaat se bevolking woon hier.
|
Anchorage | |
|---|---|
| Kaart | Wapen |
 | |
 | |
| Vlag | |
 | |
| Land |  Verenigde State |
| Deelstaat |  Alaska |
| Koördinate | 61°13′N 149°53′W |
| Gestig in | 1914/1915 |
| Geïnkorporeer op | 23 November 1920 |
| Oppervlakte: | |
| - Totaal | 5 079,2 vk km |
| Hoogte bo seevlak | 115 m |
| Bevolking: | |
| - Totaal (2006) | 282 813 |
| - Bevolkingsdigtheid | 63,4/vk km |
| - Metropolitaanse gebied | 359 180 |
| Tydsone | UTC -9 | Somertyd: UTC -8 |
| Burgemeester | Dan Sullivan (R) |
| Amptelike Webwerf | www.muni.org |
Anchorage lê in Suid-Sentraal-Alaska, 61 grade noord (omtrent dieselfde as Stockholm en Sint Petersburg). Dit was aanvanklik 'n konstruksiekamp vir die bou van die Alaska Spoorweg. Teen 1920 het dit só gegroei dat dit amptelik as 'n stad geproklameer is. Vandag is die hawestad die middelpunt van die streek se olie- en gasbedryf.
Op 27 Maart 1964 skud 'n hewige aardbewing, wat 9,2 op die Richterskaal gemeet het, die stad. Grootskaalse grondverskuiwings en 'n tsoenami berokken groot skade, en 125 mense verloor hulle lewens in die natuurramp. Die maksimum aantal verdiepings vir nuwe geboue is na die aardbewing tot 21 beperk.
Klimaat
Die gemiddelde daaglikse temperatuur in die somer is 13° tot 23 °C, terwyl die gemiddelde temperature tydens die winter tot -15 °C kan daal. Desondanks geniet die stad 'n milder klimaat as baie gebiede van die kontinentale VSA. 'n Tipiese kenmerk van Anchorage se weer is die onvoorspelbaarheid daarvan.
Eksterne skakels
Wikimedia Commons het meer media in die kategorie Anchorage.- (en) Amptelike webwerf
- (en) "Anchorage". Encyclopædia Britannica. Besoek op 14 April 2021.
