Ammonium

Ammonium is 'n komplekse katioon met formule NH+4.

**Eienskappe**
Algemeen
Naam	Ammonium

Termochemiese radius	1,36(19) Å [1]
$\Lambda _{m}^{+}$	74,4 [S.cm²/mol][2]
pK_a	9,24
Lys van anione

Dit word gevorm wanneer ammoniak ('n basis) deur 'n suur geprotoneer word.

Die ammonium-katioon is 'n taamlik swak suur.

Hierdie katioon kom in talle soute voor, wat algemeen goed in water oplosbaar is. Die chemie van ammoniumverbindings kan goed met die alkalimetale s'n vergelyk word.

Van die ammoniumsoute is:

Sien ook Kategorie:Verbindings van ammonium

Ammoniummetaal?

Die chemie van ammonium is opmerkelik soortgelyk aan dié van kalium. Ammoniumsulfaat en kaliumsulfaat het bv. dieselfde struktuur en vorm 'n komplete reeks mengkristalle. Neutrale kalium is 'n (nogal reaktiewe) metaal en dit het gelei tot bespiegelings dat neutrale ammonium ook 'n metaal kan wees.

'n Neutrale ammoniummolekule NH₄ sou egter 'n radikaal NH₄^• wees en dus onstabiel met betrekking tot die reaksie:

2{NH_{4}}^{\bullet }\rightarrow H_{2}+2NH_{3}

Wanneer waterige oplossings van ammoniumsoute aan elektrolise met 'n kwikkatode onderwerp word, vind egter 'n sigbare reaksie plaas. Die kwik 'pluis op'. Dit is geïnterpreteer as die vorming van 'n (onstabiele) amalgaam, dit wil sê 'n legering van kwikmetaal met neutrale ammoniummetaal.[3] Ramsey het selfs in 1954 voorgestel dat onder hoë druk, soos in die binnekant van planete soos Uranus van Neptunus, neutrale ammonium 'n vaste metaal sou vorm.[4]

Latere berekeninge deur Stevenson het egter ernstige twyfel oor hierdie hipotese laat ontstaan. Hy het gedemonstreer dat vaste ammonium metaal by alle waardes van die druk onstabiel sou wees ten opsigte van ontbinding in waterstof en ammoniak.[5]

Afgeleide ione

Die vier waterstofatome van die ammoniumioon kan vervang word deur byvoorbeeld metielgroepe

Dit is die tetrametielammonium-katioon, waarin vier waterstofatome vervang, is, maar monometiel-, diëtiel- en trimetielammonium-katione kan ook vervaardig word.

Verwysings

Thermochemical Radii of Complex Ions Helen K. Roobottom, H. Donald B. Jenkins, Jack Passmore, Leslie Glasser Journal of Chemical Education 76(11) 1999, bls. 1570
aqion.
J. H. Reedy (1929). "Lecture demonstration of ammonium amalgam". J. Chem. Educ. 6 (10): 1767. doi:10.1021/ed006p1767.
M.F.M. Bernal, H.S.W Massey (1954). "Metallic Ammonium". Monthly Notices of the Royal Astronomical Society. 114 (2): 172–179. doi:10.1093/mnras/114.2.172.{{cite journal}}: AS1-onderhoud: gebruik authors-parameter (link)
STEVENSON, D. (1975). "Does metallic ammonium exist?". Nature. 258: 222–223. doi:10.1038/258222a0.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Roobo-1] Thermochemical Radii of Complex Ions Helen K. Roobottom, H. Donald B. Jenkins, Jack Passmore, Leslie Glasser Journal of Chemical Education 76(11) 1999, bls. 1570

[2] qion.

[3] J. H. Reedy (1929). "Lecture demonstration of ammonium amalgam". J. Chem. Educ. 6 (10): 1767. doi:10.1021/ed006p1767.

[4] M.F.M. Bernal, H.S.W Massey (1954). "Metallic Ammonium". Monthly Notices of the Royal Astronomical Society. 114 (2): 172–179. doi:10.1093/mnras/114.2.172.{{cite journal}}: AS1-onderhoud: gebruik authors-parameter (link)

[5] STEVENSON, D. (1975). "Does metallic ammonium exist?". Nature. 258: 222–223. doi:10.1038/258222a0.