Amarna

Amarna (algemeen bekend as el-Amarna of Tell el-Amarna; Arabies: العمارنة) is ’n groot argeologiese terrein in Egipte wat die ruïnes bevat van die nuwe hoofstad wat gebou is deur farao Achenaten van die 18de Dinastie (omstreeks 1353 v.C.).

Amarna
Klein tempel van die Aten by Achetaten.
Klein tempel van die Aten by Achetaten.
Koördinate27°39′42″N 30°54′20″O
Plaaslike naam العمارنة
LandEgipte
SoortNedersetting
Geskiedenis
BouerAchenaten
GestigOmstreeks 1346 v.C.
Tydperk18de Dinastie

Die naam van die stad is in Antieke Egipte geskryf as Achetaten, "Horison van die Aten".[1] Dit is gebou vir die farao se nuwe geloof, die aanbidding van die sonskyf, Aten. Die stad het kort daarna leeggeloop toe Achenaten se seun, Toetankamen, aan die bewind kom en die stad verlaat om na sy geboorteplek, Thebe, terug te keer.[2]

Hierna was die stad onbewoon totdat die Romeine hulle aan die Nylrivier begin vestig het.

Die gebied lê op die oosoewer van die Nyl in die moderne Egiptiese provinsie Minja, sowat 312 km suid van Kaïro.[3]

Verwysings
  1. David, Rosalie (1998). Handbook to Life in Ancient Egypt. Facts on File.
  2. "The Official Website of the Amarna Project" (in Engels). Geargiveer vanaf die oorspronklike op 27 Oktober 2019. Besoek op 1 Oktober 2008.
  3. "Google Maps Satellite" (in Engels). Google. Geargiveer vanaf die oorspronklike op 11 Januarie 2014. Besoek op 1 Oktober 2008.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.