Alys Fane Trotter

Alys Fane Trotter (16 Desember 1863 - 21 Desember 1962) was 'n Ierse skryfster en kunstenares. Sy is in 1863 in Dublin gebore. Sy kom in die jaar 1890 saam met haar eggenoot, die eerste Raadgewende Elektrotegniese Ingenieur wat deur die Kaapse Koloniale regering in diens geneem is, na Suid-Afrika. Die skoonheid van die ou Kaaps-Hollandse huise het haar bekoor en sy het hulle stelselmatig begin bestudeer. Die gevolg was 'n reeks koerantartikels wat deur haarself geïllustreer was. Dit is later versamel en onder die titel Old Cape Colony gepubliseer. Mev. Trotter het na Engeland teruggekeer waar sy poësie geskryf het. Sy is in 1962 op 99-jarige leeftyd oorlede.

Bron

Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.