Alvin Botes

Alvin Botes (gebore 9 September 1973) is ’n Noord-Kaapse politikus en lid van die African National Congress (ANC). Hy dien sedert Mei 2019 as adjunkminister van internasionale betrekkinge en samewerking.[1]

Botes het tussen 1999 en 2009 as die ANC se provinsiale hoof van beleid, navorsing en ontleding in die Noord-Kaap gewerk. Hy het ook as provinsiale tesouris en voorsitter van die ANC-jeugliga tussen 2003 and 2008 gedien.[2] Botes het tussen 2008 en 2017 as adjunk- provinsiale sekretaris van die ANC gedien.[2]

Botes was ʼn lid van die Noord-Kaapse Provinsiale Wetgewer tussen 2009 en 2018 en het as lid van die uitvoerende komitee tussen 2009 en 2013 gedien: eers verantwoordelik vir maatskaplike ontwikkeling (tot 2013) en daarna vir samewerkende regering, menslike nedersettings en tradisionele aangeleenthede.[2]

Botes is sedert 2018 'n lid van die Nasionale Vergadering van Suid-Afrika en sedert Mei 2019 'n kabinetslid.[1]

Verwysings
  1. http://www.dirco.gov.za/department/profile_botes.html
  2. https://web.archive.org/web/20200523185030/https://www.parliament.gov.za/person-details/21
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.