Alpha Ophiuchi

Alpha Ophiuchi (α Ophiuchi, afgekort as Alpha Oph of α Oph), ook bekend as Rasalhague,[10] is ’n dubbelster en die helderste ster in die sterrebeeld Slangdraer (Ophiuchus).

Alpha Ophiuchi
Die ligging van α Ophiuchi in die Slangdraer (in die rooi sirkel).
Die ligging van α Ophiuchi in die Slangdraer (in die rooi sirkel).
SterrebeeldSlangdraer
SpektraaltipeA5 III[1] / K5–7 V[2]
SoortDubbelster
Waarnemingsdata (Epog J2000)
Regte klimming17h 34m 56.06945s[3]
Deklinasie+12° 33′ 36.1346″[3]
Skynmagnitude (m)2,07[4]
Absolute magnitude (M)1,248[5]
B-V-kleurindeks +0,15[4]
U-B-kleurindeks +0,10[4]
Wentelperiode 3 148,4 dae
Besonderhede
Komponent 1 α Oph A
Massa (M☉)2,40+0,23−0,37[2]
Radius (R☉)2,6[6]
Ligsterkte (L☉)25,1–25,6[7]
Temperatuur (K)7 880–8 050[7]
Rotasiespoed (km/s)240[7]
Komponent 2 α Oph B
Massa (M☉)0,85+0,06−0,04[2]
Eienskappe
Ouderdom (jaar)0,77±0,03 miljard[8]
Ander name
Ras Alhague, Rasalhague, 55 Ophiuchi, BD+12° 3252, FK5 656, HD 159561, HIP 86032, HR 6556, SAO 102932[9]
Portaal  Portaalicoon   Sterrekunde

Eienskappe

Alpha Ophiuchi is ’n dubbelsterstelsel met ’n wentelperiode van sowat 8,62 jaar. Die primêre komponent, Alpha Ophiuchi A, het ’n massa van sowat 2,4 keer die Son s’n en die sekondêre komponent, Alpha Ophiuchi B, ’n massa van 0,85 keer soveel.[2] Die massa van die tweede komponent dui daarop dat dit ’n sterreklassifikasie van K5V tot K7V het: ’n hoofreeksster wat steeds waterstof in sy kern verbrand. Die sterre se periastron, die naaste posisie aan mekaar, was omstreeks 19 April 2012, toe daar ’n hoekskeiding van 50 milliboogsekondes tussen hulle was.[2] Die sterre se gesamentlike skynbare magnitude is 2,08.

Die primêre komponent se sterreklassifikasie van A5 III dui aan dat dit ’n reusester is wat die hoofreeks verlaat en sy waterstofvoorraad uitgeput het. Sy ligsterkte is sowat 25 keer dié van die Son en sy effektiewe temperatuur is 8 000 K, wat dit die tipiese wit skynsel van ’n A-tipe ster gee.[7][11]

Alpha Ophiuchi A het ’n vinnige rotasiespoed van sowat 240 km s−1;[7] dit is sowat 88,5% van die rotasietempo waarteen die ster sal uiteenspat.[12] Die gevolglike ewenaarbult is sowat 20% groter as die poolradius, wat die ster ’n ovaal vorm gee. Vanweë dié verwronge vorm is die effektiewe temperatuur by die pole sowat 1 840 K hoër as by die ewenaar.[2] Van die Aarde af kyk ’n mens feitlik reg op die ewenaar vanweë die rotasie-as van die ster wat teen ’n inklinasiehoek van 87,°7 ± 0°4 lê.[12]

Verwysings
  1. Cowley, A. et al. (April 1969), "A study of the bright A stars. I. A catalogue of spectral classifications", Astronomical Journal 74: 375–406, doi:10.1086/110819, Bibcode: 1969AJ.....74..375C
  2. Hinkley, Sasha et al. (Januarie 2011), "Establishing α Oph as a Prototype Rotator: Improved Astrometric Orbit", The Astrophysical Journal 726 (2): 104, doi:10.1088/0004-637X/726/2/104, Bibcode: 2011ApJ...726..104H
  3. van Leeuwen, F. (November 2007), "Validation of the new Hipparcos reduction", Astronomy and Astrophysics 474 (2): 653–664, doi:10.1051/0004-6361:20078357, Bibcode: 2007A&A...474..653V
  4. Johnson, H. L. et al. (1966), "UBVRIJKL photometry of the bright stars", Communications of the Lunar and Planetary Laboratory 4 (99): 99, Bibcode: 1966CoLPL...4...99J
  5. Gatewood, George (2005). "An Astrometric Study of the Binary Star α Ophiuchi". The Astronomical Journal. 130 (2): 809–814. Bibcode:2005AJ....130..809G. doi:10.1086/431723. ISSN 0004-6256.
  6. Malagnini, M. L.; Morossi, C. (November 1990), "Accurate absolute luminosities, effective temperatures, radii, masses and surface gravities for a selected sample of field stars", Astronomy and Astrophysics Supplement Series 85 (3): 1015–1019, Bibcode: 1990A&AS...85.1015M
  7. Deupree, Robert G. (November 2011), "Theoretical p-Mode Oscillation Frequencies for the Rapidly Rotating δ Scuti Star α Ophiuchi", The Astrophysical Journal 742 (1): 9, doi:10.1088/0004-637X/742/1/9, Bibcode: 2011ApJ...742....9D
  8. Zhao, M. et al. (Augustus 2009), "Imaging and Modeling Rapidly Rotating Stars: α Cephei and α Ophiuchi", The Astrophysical Journal 701 (1): 209–224, doi:10.1088/0004-637X/701/1/209, Bibcode: 2009ApJ...701..209Z
  9. "RASALHAGUE -- Variable Star", SIMBAD (Centre de Données astronomiques de Strasbourg), http://simbad.u-strasbg.fr/simbad/sim-id?Ident=Alpha+Ophiuchi, besoek op 2011-12-25
  10. "IAU Catalog of Star Names" (in Engels). Geargiveer vanaf die oorspronklike op 29 Mei 2020. Besoek op 28 Julie 2016.
  11. "The Colour of Stars", Australia Telescope, Outreach and Education (Commonwealth Scientific and Industrial Research Organisation), 21 Desember 2004, archived from the original on 10 Maart 2012, https://www.webcitation.org/6630AbtJZ?url=http://outreach.atnf.csiro.au/education/senior/astrophysics/photometry_colour.html, besoek op 2012-01-16
  12. Zhao, M. et al. (Februarie 2010), Rivinius, Th.; Curé, M., eds., "Imaging and Modeling Rapid Rotators: α Cep and α Oph", Revista Mexicana de Astronomía y Astrofísica (Serie de Conferencias) 38: 117–118, Bibcode: 2010RMxAC..38..117Z

    Eksterne skakels

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.