Alice, Oos-Kaap

Alice is 'n dorpie in die Oos-Kaap, 120 km wes van Oos-Londen. Dit is op die wesoewer van die Tyhumerivier geleë, teenoor die hoofkampus van die Universiteit van Fort Hare.

Alice

eDikeni
Dorp
Die Universiteit van Fort Hare se geboue troon uit bo die dorpie Alice.
Die Universiteit van Fort Hare se geboue troon uit bo die dorpie Alice.
Alice is in Oos-Kaap
Alice
Alice
 Alice se ligging in Oos-Kaap
Koördinate: 32°47′S 26°50′O
LandVlag van Suid-Afrika Suid-Afrika
ProvinsieOos-Kaap
DistrikAmathole
MunisipaliteitRaymond Mhlaba
Stigting1824
Oppervlak
 • Totaal9,85 km2 (3,80 vk. myl)
Bevolking
 (2011)[1]
 • Totaal15 143
 • Digtheid1 537/km2 (3 980/vk. myl)
Rasverdeling (2011)
 • Wit mense0,6%
 • Indiërs/Asiërs0,3%
 • Bruin mense5,6%
 • Swart mense93,0%
 • Ander0,5%
Taal (2011)
 • Xhosa 84,0%
 • Afrikaans 7,3%
 • Engels 3,5%
 • Ander 5,2%
Poskode (strate)
5700
Poskode (posbusse)
5700
Skakelkode040
Een van tallose bouvallige geboue op Alice, eens 'n hotel.
Die Baptistekerk op Alice, nog een van baie verwaarloosde geboue.
Die NG gemeente Alice is in die tweede helfte van die jare 80 by die NG gemeente Fort Beaufort ingelyf en sy kerkgebou aan die genade oorgelaat.

Geskiedenis

Die Glasgow Sendinggenootskap het 'n sendingstasie in 1824 op die westelike oewer van die Tyhumerivier gestig. Hulle het die dorp eers Lovedale genoem - na John Lovedale van die genootskap. Die dorp is later na prinses Alice, dogter van die Britse koningin Victoria, vernoem.

Die sendingstasie is na die Sesde Grensoorlog prysgegee en die eerste skool is eers in 1841 ná die heropening gebou. Die geboue is egter tydens die Sewende Grensoorlog opgekommandeer en in 'n fort omskep. Ná die vrede van 1847 is 'n behoorlike fort op die oostelike oewer van die rivier gebou.

In 1867 het Jane Elizabeth Waterston, Suid-Afrika se eerste vrouedokter, hier begin werk as 'n onderwyseres.[2]

In 1981 het dit deel van die onafhanklike tuisland Ciskei geword en moes nie-swartes dit verlaat.

Distrik

Daar word wol, sybokhaar, beesvleis, melk, sitrusvrugte, tabak en hout gelewer in die distrik. Die Universiteit van Fort Hare is opgerig waar die militêre fort in die 19de eeu op die oewers van die Tyhumerivier gebou is.

Naburige dorpe
Hogsback
Fort Beaufort Middeldrif, King William’s Town

Infrastruktuur

Die R63-provinsiale pad en R345-streeksroete gaan deur die dorp.

Sien ook

Verwysings
  1. "Hoofplek Alice". Sensus 2011.
  2. Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.

Bronne

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.