Alemannia Aken
Alemannia Aken is die grootste sokkerklub van die Duitse stad Aken.
| Alemannia Aken | |||||||||||||||||||||||||||||||||
| Volle naam | Aachener Turn- und Sport-Verein Alemannia von 1900 e.V. | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Bynaam/me | Kartoffelkäfer | ||||||||||||||||||||||||||||||||
| Stigting | 1900 | ||||||||||||||||||||||||||||||||
| Tuisveld | Tivoli, Aken | ||||||||||||||||||||||||||||||||
| Kapasiteit | 32 960 | ||||||||||||||||||||||||||||||||
| Liga | Regionalliga Wes | ||||||||||||||||||||||||||||||||
| |||||||||||||||||||||||||||||||||
Die klub is op 16 Desember 1900 gestig met die naam FC Alemannia Aachen. Die Eerste Wêreldoorlog verwoes die klub deurdat dit van 200 lede na 37 krimp. In 1919 smelt die klub met Aachener Turnverein 1847 saam om so TSV Alemannia 1900 te vorm. Die nuwe vennoot was egter veral geïnteresseerd in gimnastiek en die klub het weer verdeel in 1924.
Aken lê naby die Belgiese en Nederlandse grens waardeur die klub aanvanklik gereeld teen spanne uit België en Nederland gespeel het. Die eerste amptelike wedstryd was teen Dolhain FC. Die klub het sy eerste streekstitel in 1907 gewen.
In die vroeë jare 30 het die klub die laaste 4 van die eindronde om die Duitse titel gehaal. In 1933 is die kompetisie tydens die Derde Ryk omgevorm tot die Gauliga met 16 eerste streeksligas. Alemannia het in die Gauliga Middel-Ryn meegeding en die titel in 1938 gewen.
Na die Tweede Wêreldoorlog speel die klub in die Oberliga Wes en haal in 1953 die eindstryd van die Duitse beker, maar verloor teen SC Rooiwit Essen.
Na die oprigting van die Bundesliga in 1963 word die klub in die Regionalliga (2de klas) ingedeel. Twee jaar later bereik hy weer die eindstryd van die Duitse beker maar verloor ook hierdie slag, teen BV Borussia Dortmund. In 1967 promoveer die klub na die Bundesliga en eindig die volgende seisoen 2de. Die daaropvolgende seisoen was egter 'n ramp en die klub is gerelegeer.
'n Hoogtepunt in die klub se geskiedenis was die deelname aan die Europese UEFA-bekerkompetisie in die 2004/2005-seisoen. Alemannia Aachen het die Duitse bekerfinaal teen SV Werder Bremen in 2004 met 2:3 verloor. Deurdat Werder Bremen die Duitse ligakampioen geword het en dus aan die Europese Bekerkompetisie moes deelneem, kon Alemannia Aachen aan die UEFA-beker deelneem.
Op 16 April 2006 verkry die span die eerste keer sedert die 1969/70-seisoen promosie na die Bundesliga.
Onlangse ligaposisionering
|
|
Eksterne skakels
| Regionalliga Wes 2013/14-seisoen | |
|
Alemannia Aken II, VfL Bochum II, Fortuna Düsseldorf II, SC Rooiwit Essen, 1. FC Keulen II, SC Fortuna Keulen, FC Viktoria Keulen, Bayer 04 Leverkusen II, SV Lippstadt 08, Sportvriende Lotte, VfL Borussia Mönchengladbach II, SC Rooiwit Oberhausen, FC Schalke 04 II, Sportvriende Siegen, KFC Uerdingen 05, SSVg Velbert, SC Verl, SG Wattenscheid 09, SC Wiedenbrück 2000 | |
Normdata  |
|---|