Aleksei van Rusland

Aleksei (die Stilste)[1] Michailowitsj (Russies: Алексей Михайлович) (Moskou, 19 Maart 1629 — Moskou, 8 Februarie 1676) was van 1645 tot 1676 tsaar van Rusland, tydens die mees gebeurtenisvolle dekades van die middel-17de eeu.

Aleksei
Tsaar van die hele Rusland
Tsaar Aleksei
Dinastie Romanof
Bewind 12 Julie 1645 -
29 Januarie 1676
Kroning 28 September 1645
Volle naam Aleksei Michailowitsj Romanof
Gebore 9 Maart 1629
Moskou
Gesterf 29 Januarie 1676
Moskou
Voorganger Michail
Opvolger Fjodor III
Gade Maria Iljitsjna Miloslafskaja
Natalia Kirillowna Narisjkina
Kinders O.a. Sofia
Fjodor III
Iwan V
Pieter die Grote
Vader Michail
Moeder Ewdoksia Stresjnewa

Vroeë lewe

Hy was die seun van die eerste Romanof-tsaar van Rusland, Michail. Hy bestyg die troon op 16-jarige leeftyd ná die dood van sy pa op 12 Julie 1645.

Sy voog is die bojaar Boris Morozof, ’n slu en verstandige man wat egter baie ongewild is. Hy word beskou as ’n tipiese baatsugtige 17de-eeuse bojaar en word beskuldig van toordery en duiwelskuns. In Mei 1648 kom die inwoners van Moskou in opstand teen hom in die sogenaamde Sout-oproer en die jong tsaar is verplig om hom af te dank en na die Kirillo-Belozersk-klooster te verban.

Sy bewind
Palmsondag in Moskou tydens die bewind van Aleksei.

Aleksei het nie ’n besonder sterk persoonlikheid gehad nie, maar hy was ’n natuurlik hoewel versigtig vooruitstrewende leier. Sy bewind is veral gekenmerk deur konflikte in die Russies-Ortodokse Kerk wat gelei het tot ’n skeuring (раскол; raskol) van 1666-67 en van ’n harde binnelandse beleid wat gelei het tot ’n groot Kosak-opstand onder aanvoering van Stepan Razin. Hy voer die kerkhervormings deur in samewerking met patriarg Nikon (1605-1681), met wie hy aan die begin van sy bewind noue bande gesmee het. In 1649 maak Aleksei lyfeienskap wetlik. Ná sy dood volg Fjodor III hom op.

Sy familie en kinders

Aleksei trou in 1648 met Maria Iljitsjna Miloslafskaja (1625-1669). Hulle het 13 kinders in die 21 jaar lange huwelik: vyf seuns en agt dogters. Sy sterf enkele weke ná die geboorte van haar dertiende kind. Vier seuns (Aleksei, Fjodor, Semjon en Iwan) oorleef haar, maar twee van hulle sterf binne ses maande ná haar, onder andere Aleksei, die 16-jarige troonopvolger. Die kinders is:

Tsaar Aleksei kies sy bruid deur Grigori Sedof. Die "wenner" was Maria Miloslafskaja, ’n familielid van Boris Morozof.
  • Dmitri (1648-1649)
  • Ewdoksia (1650-1712)
  • Marfa (1652-1707)
  • Aleksei (1654-1670)
  • Anna (1655-1659)
  • Sofia (1657-1704)
  • Katharina (1658-1718)
  • Maria (1660-1723)
  • Fjodor III (1661-1682)
  • Feodosia (1662-1713)
  • Simjon (1665-1669)
  • Iwan V (1666-1696)
  • Ewdoksia (1669-1669)



Hy trou weer in 1671 met Natalja Kirilowna Narisjkina (1651-1694). Uit die huwelik word drie kinders gebore:

  • Pieter I (1672-1725)
  • Natalie (1673-1716)
  • Theodora (1674-1677)

Stamboom
 
 
 
 
 
 
 
 
 
 
 
 
 
 
 
 
 
 
Nikita Romanowitsj Zacharin-Joerijef
 
 
 
 
 
 
 
 
 
 
 
Fjodor Nikititsj Romanof
 
 
 
 
 
 
 
 
 
 
 
 
 
 
Michail van Rusland
 
 
 
 
 
 
 
 
 
 
 
 
 
 
 
 
 
Aleksei van Rusland
 
 
 
 
 
 
 
 
 
 
 
 
 
 
 
 
 
 
 

Verwysings
  1. answers.com Alexis Romanov

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.