Albert Wessels

In 1961, het Albert Wessels 'n permit verkry om tien Toyopet Stout-bakkies van Japan in te voer. Dit het tot die stigting van Toyota Suid-Afrika gelei, nadat die Japannese ooreengekom het dat Wessels die voertuie onder lisensie in Suid-Afrika kon produseer. Besigheid het skerp toegeneem, en die Wessels-familie het sy belange onder die sambreel van Wesco (genoteer op die JSE in 1971) en Metair (in 1949) gelys.[1]

Hy is in 1937 met die Suid-Afrikaanse digter Elisabeth Eybers getroud, maar die egpaar - wat drie dogters en 'n seun gehad het - het in 1961 geskei. Die Albert Wessels Trust het egter steeds die Elisabeth Eybersbeurs befonds.

Toyota-produkte was baie gewild in Suid-Afrika en in 1968 het Toyota die grootste vervaardiger van handelsvoertuie in die land geword. In dieselfde jaar is dit ook deur die Suid-Afrikaanse finansiële pers as "maatskappy van die jaar" gekies. Wessels publiseer in 1987 'n outobiografie, "Boer tot nyweraar".

Albert Wessels is in 1988 as hoof- uitvoerende beampte van Toyota Suid-Afrika deur sy seun, Bert Wessels, opgevolg; Bert het ook die maatskappy se uitvoerende voorsitter geword met sy pa se dood.