Albanese

Die Albanese (Albanees: Shqiptarët) is 'n nasie en etniese groep inheems aan Albanië en aangrensende lande wat Albanees, 'n Indo-Europese taal, as moedertaal praat. Hulle vorm die titulêre nasie van Albanië en maak volgens die laaste sensus van 2011 omtrent 82,6% van dié land se bevolking uit. In Kosovo het Albanese sowat 93% van die bevolking uitgemaak.

Hierdie artikel handel oor die etniese groep. Vir die taal, sien Albanees.

Albanese
Totale bevolking:	ca. 7,5–12,2miljoen
Belangrike bevolkings  in:	Albanië 2,8 miljoen[1]  Kosovo 1,6 miljoen[2]  Italië 800 000[3][4][5]  Noord-Masedonië 509 083[6]  Turkye 500 000–5 000 000[7][8][9][10][11][12]  Duitsland 300 000[13]  Griekeland 280 000–600 000[14][15][16]  Switserland 200 000[17][18]  Verenigde State 193 813[19]  Swede 54 000[20]  Montenegro 30 439[21]  Verenigde Koninkryk 30 000[22]  Kanada 28 270[23]  Oostenryk 28 212[24]  Frankryk 20 000[25]  Egipte 18 000[26]  Kroasië 17 513[27]  Noorweë 10 000  Australië 11 315[28]  Roemenië 10 000[29]  Denemarke 8 223[30]  Finland 8 214[31]  Serwië 5 809[32]  België 5 600–30 000[33][34]  Nederland 5 000–20 000  Oekraïne 5 000[35]  Slowenië 4 020[36]
Taal:	Albanees
Geloofsoortuiging:	Islam (Soenniete • Bektashi • Soefisme) Christendom (Rooms-Katolieke Kerk • Italo-Albanese-Katolieke Kerk • Ortodokse Kerk van Albanië • Protestantisme) Ongebonde
Verwante etniese groepe:	Ander Indo-Europese volke

Verspreiding van Albanese in Suidoos-Europa

Albanese deel 'n gemeenskaplike afkoms, kultuur en geskiedenis, maar dié term verwys soms ook na die hele bevolking van Albanië.

Wêreldwyd is daar tussen 7,5 en 12,2 miljoen Albanese, waarvan sowat 2,8 miljoen in Albanië en 1,6 miljoen in Kosovo. In Turkye is daar tussen 500 000 en 5 miljoen Albanese, in Italië 800 000 en in Noord-Masedonië 509 083. Na die einde van die Koue Oorlog het Albanese hulle veral as trekarbeiders in Wes-Europese lande soos Duitsland en Switserland asook in die Verenigde State gevestig.