Ahmedabad

Ahmedabad (Gujarati: અમદાવાદ [ˈəmd̪ɑːʋɑːd̪], letterlik: "stad van Ahmed") is die grootste stad en voormalige hoofstad van die Indiese deelstaat Gujarat. Die stad is aan die oewer van die Sabarmatirivier in die weste van die land geleë.

Ahmedabad gedurende die 19de eeu

Ahmedabad

Kaart Wapen
Vlag
 Land Vlag van Indië Indië
 Deelstaat Gujarat
 Koördinate 22°59′N 72°36′O
 Stigting 11de eeu
 Oppervlakte:  
 - Totaal 464,165 vk km
 Hoogte bo seevlak 53 m
 Bevolking:  
 - Totaal (2011) 5 577 967
 - Bevolkingsdigtheid 12 000/vk km
 - Metropolitaanse gebied 6 357 693
 Tydsone UTC+05:30
 Burgemeester Gautam Shah (BJP)
 Amptelike Webwerf ahmedabadcity.gov.in

Ahmedabad het in 2011 'n bevolking van 5 577 967 en 6 357 693 in die metropolitaanse gebied gehad. Die stad het 'n totale oppervlakte van 464,165 km² en is die vyfde grootste stad en sewende grootste metropolitaanse gebied van Indië. Dit is ook die ekonomiese sentrum van die Indiese deelstaat Gujarat.

Ahmedabad is veral bekend vir sy historiese stadsentrum wat in 2017 deur Unesco as wêrelderfenisgebied gelys is.

Sport

Die Narendra Modi-stadion (ook Motera-stadion genoem) in die voorstad Motera is met 'n kapasiteit van 110 000 die grootste toetskrieketstadion ter wêreld. In Februarie 2021 is dit na die eerste minister Narendra Modi genoem.[1] Die Indiese nasionale krieketspan speel van sy tuiswedstryde in die stad. In die Motera-stadion is onder andere wedstryde tydens die krieketwêreldbekertoernooie in 1987, 1996 en 2011, asook die Kampioenetrofee 2006, aangebied. Tydens die Krieketwêreldbeker 2023 is in dié stadion ook wedstryde beslis, waaronder die eindstryd tussen Australië en Indië, waartydens die Australiërs hul sesde titel ingepalm het.[2]

Sien ook

Verwysings
  1. (en) "Largest cricket stadium in Motera, with seating capacity for over 1 lakh fans, renamed as Narendra Modi Stadium". India Today. 24 Februarie 2021. Besoek op 22 November 2023.
  2. (en) Andrew Miller (19 November 2023). "Head's magnificent 137 leads Australia to sixth World Cup title". ESPNcricinfo. Besoek op 22 November 2023.

Eksterne skakels


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.