Agent 2000
Agent 2000 is 'n Afrikaanse spioenfliek vir tieners. Die rolprent is by die Hoërskool Randburg in Johannesburg verfilm en op 28 Maart 2014 in Suid-Afrika vrygestel. Die regisseur was Stefan Nieuwoudt terwyl Paul Loots, wat voorheen in Roepman te sien was, die hoofrol as Agent 2000 vertolk.
| Agent 2000 | |
|---|---|
| Regisseur | Stefan Nieuwoudt |
| Produksieleier | Danie Bester |
| Met | Paul Loots Izel Bezuidenhout Ruan Wessels |
| Kinematografie | Gerrit Van Zyl |
| Redigeerder | Dries Scholtz |
| Ateljee | The Film Factory |
| Verspreider | Ster-Kinekor |
| Uitgereik | 28 Maart 2014 |
| Speeltyd | 1 uur 33 minute |
| Land | Suid-Afrika |
| Taal | Afrikaans |
| Amptelike webtuiste | |
| IMDb-profiel | |
Genre
Die rolprent is 'n aksiedrama van 'n tegnologie-mal geheime agent wat gehuur word om ‘n skoolboelie te ontmasker. Dit het 'n ouderdomsperk van 7-9 OL (ouerleiding) vir Geweld.
Hoofrolspelers
- Paul Loots as Walter
- Izel Bezuidenhout as Chante-Amore
- Ruan Wessels as Remardo
- Janic Botha as Balie
- Francois Jacobs as Jean-Jaques
- Melissa Massyn as Annabel
- Karen Wessels as Alet
- David James as Roelof
- Cobus Visser as mnr. Von Brakel
- Shaleen Surtie-Richards as juffrou Schutte
Storielyn
Agent 2000, oftewel W..w.. walter du Toit, se tyd raak min. Hy moet gou speel as hy Hoërskool Randburg se berugte boelie, die Laksman, voor die einde van die ontgoeningstydperk wil ontmasker. Sou Walter daarin slaag, kan hy sy vermomming in die kas bêre, die publieke skool vaarwel roep en sy lewe as 14-jarige wat tuisonderrig ontvang voortsit.
Sou hy egter misluk, word die skoolhoof afgedank, is sy reputasie as geheime agent daarmee heen, verloor hy sy nuwe beste vriend en is hy die meisie van sy drome kwyt.
'n Taak wat aanvanklik na kinderspeletjies gelyk het verander gou in Walter se grootste nagmerrie. Sal hy die laksman betyds kan vang of sal Agent 2000 uiteindelik die Laksman se grootste teiken nog wees?