Afar (volk)

Die Afar (Afar: Qafár) is 'n etniese groep inheems aan die Afar-driehoek van noordelike Ethiopië, suidelike Eritrea en noordelike Djiboeti. Volgens die nasionale sensus van 2007 leef sowat 1,8 miljoen Afar in Ethiopië, sowat 1,73% van dié land se bevolking. Hulle praat Afar, 'n Koesjitiese taal binne die Afro-Asiatiese taalfamilie, as moedertaal.

Ligging van die Afar-streek in Ethiopië, een van nege etniese streke
Afar

'n Afar-man in tradisionele nomadiese klere.
Totale bevolking: ca. 2,6 miljoen
Belangrike bevolkings  in: Vlag van Ethiopië Ethiopië 1 812 002[1]

Vlag van Eritrea Eritrea 526 000[2]
Vlag van Djiboeti Djiboeti 306 000[2]

Taal: Afar
Geloofsoortuiging: Islam
Verwante etniese groepe: Agaw • Amhare • Beja • Gurage • Harari • Oromo • Saho • Somaliërs • Tigrinya • Tigre • ander Koesjitiese volke[3]

Die Afar is een van die kleiner etniese groepe in Ethiopië en vorm die titulêre nasie van die Afar-streek, een van nege etniese streke in Ethiopië. Daarbenewens leef sowat 526 000 Afar in Eritrea en omtrent 306 000 Afar in Djiboeti. Tussen 1973 en 1991 het die separatistiese Afar-Bevrydingsfront vir 'n onafhanklike Afar-staat geveg.[4]

In Djiboeti is sowat 35% van die bevolking etniese Afar, die tweede grootste etniese groep na die Somaliërs (60%). In Eritrea vorm hulle een van die kleiner etniese groepe met sowat 526 000 mense.

Verwysings
  1. (en) "Central Statistical Agency of Ethiopia (CSA) – 2017". Central Statistical Agency of Ethiopia (CSA). Geargiveer vanaf die oorspronklike op 8 November 2017. Besoek op 24 Mei 2018.
  2. "Ethnologue: Languages of the World, Seventeenth edition, Afar" (in Engels). Ethnologue. Geargiveer vanaf die oorspronklike op 21 Desember 2019. Besoek op 9 September 2018.
  3. (en) Joireman, Sandra F. (1997). Institutional Change in the Horn of Africa: The Allocation of Property Rights and Implications for Development. Universal-Publishers. p. 1. ISBN 1-58112-000-1.
  4. "Q&A: Ethiopia's Afar region" (in Engels). BBC. 18 Januarie 2012. Geargiveer vanaf die oorspronklike op 23 Oktober 2017. Besoek op 9 September 2018.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.