Adigea

Adigea (Russies: Республика Адыгея; Adigies: Адыгэ Республик) is ’n outonome republiek (’n deelgebied van Rusland). Dit word heeltemal omring deur die Krasnodar-krai.

Republiek van Adigea
Республика Адыгея
Ligging van Adigea in Rusland.
Ligging van Adigea in Rusland.
Politieke status
Land Russiese Federasie
Federale distrikSuid
Ekonomiese streekNoord-Kaukasus
Stigting27 Julie 1922
Regering
HoofstadMaikop
LeierAslan Tchakoesjinof
AmpHoof
WetgewerStaatsraad (Chase)
Bevolking
Sensus2010
Totaal439 996
Volgorde74ste
Digtheid57,89/km²
Stedelik50,9%
Plattelands49,1%
Statistiek
Oppervlakte7 600 km²
Volgorde80ste
TydsoneUTC+04:00
Registrasienommer01
Amptelike taleRussies, Adigies
Webtuistehttp://www.adygheya.ru/
Wapen en vlag

Portaal  Portaalicoon   Rusland

Geografie
'n Kaart van Adigea en sy bure.

Die republiek lê aan die voet van die Kaukasus-gebergte, met vlaktes in die noorde en berge in die suide. Ongeveer 40% van die totale oppervlakte bestaan uit bosse.

Die bevaarbare rivier Koeban is met ’n lengte van 870 km een van die belangrikste riviere in die streek. Dit vorm ’n deel van die noordelike grens van Adigea.

Klimaat
  • Gemiddelde temperatuur Januarie: -2 °C
  • Gemiddelde temperatuur Julie: +22 °C
  • Gemiddelde jaarlikse neerslag: 700 mm

Geskiedenis

Adigea het op 24 Augustus 1922 ’n outonome oblast van Rusland geword. Toe was Krasnodar die bestuursentrum. Van 13 Augustus 1928 af het Adigea onder die jurisdiksie van die Krasnodar-krai geval.

Maikop (die huidige hoofstad) het in 1936 die bestuursentrum geword toe die grense van die oblast verander het. Op 3 Julie 1991 het Adigea ’n outonome republiek van die Russiese Federasie geword. Die eerste president was Aslan Alijewitsj Dzjarimof, wat in 1992 verkies is. Hy is in 2007 opgevolg deur Aslan Kitowitsj Tchakoesjinof.

Afdelings
Die administratiewe afdelings van die Republiek Adigea.

Die Republiek Adigea is administratief in sewe distrikte (rajons), een dorp en een stad verdeel, en op ’n laer vlak in vyf stedelike nedersettings.

NaamPlaaslike naamOppervlakte in
km2		bevolking
Sensus[1] 2010		Bevolking
Geraam,[1]
1 Jan. 2013
Tachtamoekaiski-distrikТахтамукайский м.р.44069 66272 239
Teoetsjezjski-distrikТеучежский м.р.70020 64320 887
Dorp AdigeiskГородской округ
Адыгейск		14 65914 901
Krasnogwardeiski-distrikКрасногвардейский м.р.725,530 86831 005
Sjowgenofski-distrikШовгеновский м.р.521,416 99716 859
Kosjechablski-distrikКошехабльский м.р.606,730 42230 317
Giaginski-distrikГиагинский м.р.79031 76631 390
Stad MaikopГородской округ
Майкоп		58,6166 540167 559
Maikopski-distrikМайкопский м.р.3 667,458 43959 246
Republiek Adigea Республика Адыгея7 600439 996444 403
  • Nota: "м.р." hierbo is die afkorting vir муниципальный район ("munisipale distrik").

Ekonomie

Hoewel dit nou een van die armste dele van Rusland is, het dit ’n oorvloed van bosse en vrugbare grond. Die gebied is veral bekend vir sy graan, sonneblomme, tee en tabak. Daar is ook veeteelt (skape en varke).

Die belangrikste nywerhede is: voedsel en hout- en metaalbewerking.

Adigea is verder ryk aan olie en aardgas. Ander grondstowwe wat daar aangetref word, is goud, silwer, wolfram en yster.

Bevolking

In die republiek woon oorwegend Russe, wat in 2002 altesaam 64,5% van die bevolking uitgemaak het. Die Adighe-volk, wat in 1926 nog 44,8% van die bevolking was, maak sedert die dertigerjare slegs 20-24% van die bevolking uit (2002-syfer: 24,2%). Op die oomblik is dié persentasie egter besig om weer te styg. Hulle woon veral in die noordwestelike en noordoostelike uithoeke van die republiek. Ander minderhede is in 2002 gevorm deur die Armeniërs (3,4%), Oekraïners (2,0%), Koerde (0,8%) en Tatare (0,7%).

Groot stede en dorpe
  • Maikop (Майкоп) – 156 931 inwoners
  • Jablonofski (Яблоновский) – 25 063
  • Enem (Энем) – 17 654
  • Giaginskaja (Гиагинская) – 15 160
  • Adigeisk (Адыгейск) – 12 209
  • Chanskaja (Ханская) – 11 290
  • Toelski (Тульский) – 10 502

(2002-volkstelling)

Verwysings
  1. State Committee of the Russian Federation on Statistics.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.