Acteongroep

Die Acteongroep (Frans: Groupe Actéon) is ’n taamlik afgesonderde en onbewoonde subgroep atolle in die verre suidooste van die Tuamotu-argipel in Frans-Polinesië. Dit lê sowat 1 400 km oossuidoos van Tahiti.[1]

Ligging van Acteongroep op 'n kaart (Stille Oseaan)
Acteongroep
Acteongroep
Die ligging van die Acteongroep in die Stille Oseaan.
’n Kaart van die Acteongroep.

Atolle

Die groep bestaan uit vier klein atolle:

  • Matureivavao
  • Tenararo
  • Tenarunga
  • Vahanga

Geskiedenis

Die eerste bekende Europeër wat die eilande gesien het, was Pedro Fernández de Quirós, op 5 Februarie 1605. Hy het dit beskryf as "vier eilande gekroon met kokospalms". In verslae van ander lede van die Spaanse ekspedisie is die eilande "Las Cuatro Coronadas" (Die Vier Gekroondes), "Las Cuatro Hermanas" (Die Vier Susters), "Las Virgenes" (Die Maagde) en "Las Anegadas" (Die Oorstroomdes) genoem.[2]

Thomas Ebrill, kaptein van die Tahitiaanse handelskip Amphitrite, het die eilande glo in 1833 herontdek. Hulle het egter vier jaar later hul naam gekry van lord Edward Russell van die HMS Actaeon, wat dit na sy skip genoem het.

Administrasie

Die vier atolle val administratief onder die munisipaliteit Gambier.

Eksterne skakels

Verwysings
  1. "Oceandots – Actéon". Geargiveer vanaf die oorspronklike op 23 Desember 2010. Besoek op 14 Augustus 2016.{{cite web}}: CS1 maint: bot: original URL status unknown (link)
  2. Brand, Donald D. The Pacific Basin: A History of its Geographical Explorations The American Geographical Society, New York, 1967, p.136.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.