Aboe Dhabi (emiraat)
Aboe Dhabi (ook Abu Dhabi; Arabies: أَبُو ظَبْيٍ, Abū Ẓabī, [ɐˈbuˈðˤɑbi]), amptelik die Emiraat Aboe Dhabi (Arabies: إِمَـارَة أَبُـوظَـبِي, Imārat Abū Ẓaby, [ʔabuː ˈðˤɑbi]), is een van die sewe outonome emirate van die Verenigde Arabiese Emirate (VAE) wat op die Arabiese Skiereiland aan die Persiese Golf geleë is. Aboe Dhabi is met 'n oppervlakte van 67 340 km² die grootste deelstaat van die VAE met 'n bevolking van 2,78 miljoen (2018), waarvan die oorgrote meerderheid (sowat tagtig persent) buitelanders is. Die gelyknamige hoofstad dien ook as regeringsetel van die VAE.
Emiraat Aboe Dhabi إِمَـارَة أَبُـوظَـبِي | |
|---|---|
Emiraat | |
 | |
 Vlag  Wapen | |
 Ligging van die Emiraat Aboe Dhabi in die VAE | |
| Koördinate: 24°28′00″N 54°22′00″O | |
| Land |  Verenigde Arabiese Emirate |
| Hoofstad | Aboe Dhabi |
| Grootste stad | Aboe Dhabi |
| Onafhanklikheid van die Verenigde Koninkryk | 2 Desember 1971 |
| Regering | |
| • Emir | Mohammed bin Zayed Al Nahyan |
| Oppervlak | |
| • Totaal | 67 340 km2 (26 000 vk. myl) |
| Bevolking | |
| • Totaal | 2 908 173 |
| • Digtheid | 35,7/km2 (92/vk. myl) |
| Tydsone | UTC+04:00 (VAE-standaardtyd) |
Geografie
Die emiraat, wat grotendeels uit woestynvlaktes bestaan, grens in die weste en suide aan Saoedi-Arabië, in die ooste aan Oman, en in die noordooste aan die emirate Doebai en Sharjah. Meer as 400 kilometer van die VAE se kuslyn is in Aboe Dhabi geleë, so ook sowat tweehonderd eilande.
Verwysings
- (en) "Statistics Center". Geargiveer vanaf die oorspronklike op September 23, 2012. Besoek op April 19, 2019.
Bronnelys
- (en) "Abu Dhabi". Encyclopædia Britannica. Besoek op 15 Mei 2022.
Eksterne skakels
Wikimedia Commons het meer media in die kategorie Emiraat Aboe Dhabi.- (en) Toerisme-inligting oor Emiraat Aboe Dhabi op Wikivoyage
