Abell 2218
Abell 2218 is ’n swerm sterrestelsels meer as 2 miljard ligjare van die Aarde af in die sterrebeeld Draak.
| Abell 2218 | |
|---|---|
 Abell 2218 (Bron: Nasa/ESA) | |
| Soort | Sterrestelselswerm |
| Sterrebeeld | Draak |
| Tipe | II (Bautz-Morgan-klassifikasie) |
| Waarnemingsdata (Epog J2000) | |
| Regte klimming | 16h 35m 54s[1] |
| Deklinasie | +66° 13′ 00″[1] |
| Afstand (ligjaar) | 2,345 miljard[1] |
| Rooiverskuiwing | 0,1756[1] |
| Aantal stelsels | 10 000 |
| Ander name | |
| N.V.T. | |
Portaal  Sterrekunde | |
Dit dien as ’n kragtige gravitasielens: Dit vergroot en verwring alle sterrestelsels agter die kern van die swerm in lang boë. Dié stelsels lê almal uitgestrek om die kern van die swerm en van sommige is meer as een beeld te sien – laasgenoemde is gewoonlik sigbaar as ’n dubbele stelsel met ’n derde, dowwer een daarnaby.
Gravitasielens
Abell 2218 is as ’n gravitasielens gebruik om een van die verste voorwerpe in die heelal te ontdek. Dié sterrestelsel is sowat 13 miljard jaar oud en word van die Aarde af gesien soos dit omtrent 750 miljoen jaar ná die Groot Knal gelyk het.[2]
Die afstand en soort sterrestelsel kan aan die kleur uitgeken word. Die oranje boog op die foto is ’n elliptiese sterrestelsel met ’n rooiverskuiwing van z=0,7. Die blou boë is stervormende stelsels met ’n rooiverskuiwing van z=1-2,5.
Verwysings
- "NASA/IPAC Extragalactic Database". Resultaat vir Abell 2218 (in Engels). Geargiveer vanaf die oorspronklike op 14 Mei 2011. Besoek op 18 September 2006.
- "MSNBC: "Galaxy ranks as most distant object in cosmos"". Geargiveer vanaf die oorspronklike op 23 Oktober 2012. Besoek op 22 April 2016.
Eksterne skakels
- Nuusuitreiking oor Abell 2218 by ESA/Hubble
- "Astronomy Picture of the Day" - Abell 2218: "A Galaxy Cluster Lens" – 20 Junie 2010
Wikimedia Commons het meer media in die kategorie Abell 2218.
Hierdie artikel is vertaal uit die Engelse Wikipedia