Abchasies

Abchasies (Аҧсуа бызшәа; аҧсшәа, [apʰswa bɨzʃʷa]) is 'n Noordwes-Kaukasiese taal wat deur sowat 191 000 mense in Georgië, Turkye en Rusland gepraat word. Dit is die amptelike taal van die omstrede gebied Abchasië wat volgens internasionale reg tot Georgië behoort, waar dit 'n erkende minderheidstaal is. Daarbenewens word Abchasies in die Georgiese outonome gebied Adzjarië en deur die Abchasiese diaspora in Westerse lande gepraat. Dié taal bestaan uit die drie dialekte Abzhywa, Bzyb en Sadz. Abchasies word in die Cyrilliese alfabet geskryf.

Etniese kaart van die Kaukasus-streek

Hierdie artikel handel oor die taal. Vir die etniese groep, sien Abchasiërs.

Abchasies Аҧсуа бызшәа; аҧсшәа
Uitspraak:	[apʰswa bɨzʃʷa]
Gepraat in:	Georgië  Abchasië Adzjarië  Turkye  Rusland
Gebied:	Kaukasus
Totale sprekers:	190 740[1]
Taalfamilie:	Noordwes-Kaukasies  Abazgi   Abchasies
Skrifstelsel:	Cyrilliese alfabet
Amptelike status
Amptelike taal in:	Georgië  Abchasië
Gereguleer deur:	geen
Taalkodes
ISO 639-1:	ab
ISO 639-2:	abk
ISO 639-3:	abk

Abchasies is nou verwant aan Abazyns en Adigies, tale wat in die Russiese deelgebiede Karatsjai-Tsjerkessië en Adigea noord van die Kaukasus en in Turkye gepraat word.