A Party

Die A Party was ’n Suid-Afrikaanse politieke party wat aan die 2009-verkiesing deelgeneem het. Die leier en stigter van die party was Anthony Penderis. Die party het sy nasionale kantoor in Somerset-Wes gehad.

Die party se kenteken

Koalisie

Die A-Party het ’n koalisie aangegaan met die Khoisan United Front, Ahanang People’s Organisation, Afrika Borwa Kgutlisa Botho, Azanian Native Social Congress, United Citizen’s Forum of South Africa, Conservative Party (nié die Konserwatiewe Party wat met die Vryheidsfront Plus saamgesmelt het nie), Freedom Power en Dabalorivhuwa Patriotic Front in ’n poging om stemme te werf in aanloop tot die verkiesing in 2009. Verder het daar tien vakverbonde ook hulle steun aan die party toegesê vir die verkiesing, by name die Steel Mining and Commercial Workers Union, Security General Workers Union, United Chemical and Metal Workers Union, Workers Party Union, Workers Liberation army Union, African Informal Traders Association, Gauteng Workers Association, SA Rail Hawkers Association, Dobsonville Hawkers Association en South African Spaza and Tuck Shop Association.[1] Die koalisie het onder die vaandel van die A Party aan die verkiesing deelgeneem. Die party het ook sy gewig agter die VF Plus gegooi in die kwessie om stemreg vir Suid-Afrikaanse burgers in die buiteland.[2]

Verkiesingsresultate
Verkiesing Stemme % Setels
2009 2847 0.02 0

Eksterne skakels

Verwysings
  1. (en) "A Party persverkalring". Besoek op 27 September 2009. [dooie skakel]
  2. (en) "Nuwe party veg vir buitelandse stem". Nuus24. 16 Januarie 2009. Besoek op 27 September 2009.[dooie skakel]
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.