A.E. Waite

Arthur Edward Waite (2 Oktober 1857 - 19 Mei 1942) was 'n Britse digter en mistikus wat baie geskryf het oor die okkulte en Westerse eroteriese sake. Hy was ook die medeskepper van die Rider-Waite-tarotpak.

A.E. Waite
Waite in 1911.
Gebore
Arthur Edward Waite

(1857-10-02)2 Oktober 1857
Brooklyn, New York, VSA
Sterf19 Mei 1942 (op 84)
Londen, Engeland
Bekend virRider-Waite-tarotpak
Noemenswaardige werke
  • Pictorial Key to the Tarot

Hy was 'n Vrymesselaar en lid van die Hermetiese Orde van die Goue Daeraad. Hy het die grootste deel van sy lewe in of naby Londen gewoon, waar hy aan verskeie uitgewerye verbonde was en die redakteur van die tydskrif The Unknown World was.

Die Hoëpriesteres (links) en die illustreerder Pamela Colman Smith van die nou beroemde Rider-Waite-tarotpak.

Skrywer

Waite was 'n skrywer en het verskeie tekste geskryf oor onderwerpe soos waarsêery, esoterie, vrymesselary, seremoniële towerkuns, kabbala en alchemie; hy het ook verskeie werke oor misterie vertaal en heruitgereik.[1][2]

Tarotkaarte

Waite is veral bekend vir sy betrokkenheid by die Rider-Waite-tarotpak, wat in 1910 die eerste keer gepubliseer is, met illustrasies deur 'n medelid van die Goue Daeraad, Pamela Colman Smith. Waite het die meegaande boekie, die Key to the Tarot, geskryf en dit is in 1911 uitgebrei en gepubliseer as die Pictorial Key to the Tarot, 'n gids vir die lees van tarotkaarte.[3] Die Rider-Waite-tarot was die eerste pak waarin al 78 kaarte ten volle geïllustreer is, in 'n tyd toe net die 22 kaarte van die Groot Arcana gewoonlik geïllustreer was. Die pak het 'n groot invloed gehad op moderne okkulte tarot.

Verwysings
  1. Anon (n.d.). "Arthur E. Waite". Freemasonry.bcy.ca. Grand Lodge of British Columbia and Yukon. Besoek op 30 November 2022.
  2. Gilbert, R. A. (1987). A. E. Waite: Magician of Many Parts (1ste uitg.). Wellingborough, Northamptonshire: Crucible. ISBN 185274023X.
  3. Waite, A. E. (1911a). The Pictorial Key to the Tarot. Londen: William Ryder & Son, Ltd.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.