3 Henog

3 Henog, of die Derde Boek van Henog (Hebreeus: ספר חנוך לר׳ ישמעאל כ׳׳ג), is ’n apokriewe boek. Dit gee voor dat dit in die 2de eeu geskryf is, maar die oorsprong daarvan kan eers na die 5de eeu teruggespoor word.[1] Ander name vir 3 Henog sluit in Die Boek van die Paleise en Die Openbaring van Metatron.

Die naam "Boek van Henog" verwys gewoonlik na 1 Henog, wat net in Ge'ez volledig bewaar gebly het. Daar is ook ’n Tweede Boek van Henog, wat net in Oudslawies bewaar gebly het.[2][3]

Inhoud

Die naam "Sefer Hekhalot" (Hekhalot beteken "paleise" of "tempels") en die skrywer, ene rabbi Ishmael, dui aan die boek is deel van die vroeë Joodse mistisisme. Die inhoud dui daarop dat 3 Henog se idees nuwer is as ander mistieke geskrifte.[4] Dit bevat nie gesange nie,[5] en het ’n unieke uitleg[6] en smeekbede.[7] Dié feite maak 3 Henoge nie net uniek in mistisisme nie, maar ook wat betref geskrifte oor Henog.

Dit lyk of die boek oorspronklik in Hebreeus geskryf is, maar dit bevat ’n paar Griekse en Latynse woorde. Daar is ’n paar aanduidings dat die skrywer van 3 Henog kennis gehad het van 1 Henog of dit waarskynlik gelees het.

Die hooftema in die boek is die opvaarding van Henog na die hemel en sy transformasie in die engel Metatron.

Verwysings
  1. Craig A. Evans (1992). Noncanonical Writings and New Testament Interpretation. p. 24.
  2. "2 Enoch". www.earlyjewishwritings.com (in Engels). Geargiveer vanaf die oorspronklike op 19 Oktober 2019. Besoek op 21 Januarie 2020.
  3. "St. Andrews" (in Engels). Geargiveer vanaf die oorspronklike op 19 Oktober 2008. Besoek op 8 Maart 2006.
  4. Swartz, Scholastic Magic, 178ff
  5. Alexander, Philip, 3 Enoch, p. 245.
  6. Dan, Joseph, The Ancient Jewish Mysticism, p. 110
  7. Schäfer, The Hidden and Manifest God, 144.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.