31 Januarie

31 Januarie is die 31ste dag van die jaar in die Gregoriaanse kalender. Daar volg nog 334 dae in die res van die jaar (335 in skrikkeljare).

Gebeure

314 – Pous Silvester I volg Pous Miltiades op.
993 – Pous Johannes XV verklaar Ulrich van Ausburg heilig. Eerste heiligverklaring ooit.
1472 – Giuliano della Rovere (later Pous Julius II) word biskop van Lausanne.
1483 – Giuliano della Rovere (later Pous Julius II) word kardinaal-biskop van Ostia.
1560 – Pous Pius IV stel drie nuwe kardinale aan, waaronder sy neef Carlo Borromeo.
1606 – Guy Fawkes word tereggestel vir sy aandeel in die Buskruitverraad teen die Engelse parlement en koning Jakobus I.
1876 – Die Verenigde State beveel alle inheemse Amerikaners om na reservate te trek.
1905 – Die NG gemeente Leipoldtville stig van die NG gemeente Clanwilliam af.
1927 – Die Nasionale Party en Suidwes-party (bondgenoot van die Suid-Afrikaanse Party in Suidwes-Afrika) smelt in Windhoek saam as die Verenigde Nasionale Suidwes-party.
1938 – Die Groote Schuur-hospitaal in Kaapstad (Suid-Afrika) word geopen.
1946 – In Joego-Slawië, stel ’n nuwe grondwet die ses republieke waaruit dit bestaan daar: Bosnië en Herzegowina, Kroasië, Masedonië, Montenegro, Serwië en Slowenië.
1961 – Ham, 'n sjimpanseemannetjie wat 17 kilogram weeg, word die ruimte ingestuur in Mercury-Redstone 2, as deel van 'n toets in die Mercury-program met die uiteindelike idee om Amerikaanse ruimtevaarders ook daar te kry.
1968 – Nauru verkry onafhanklikheid van Australië, Nieu-Seeland en die Verenigde Koninkryk.
1970 – Die 1969-70 Springbok-rugbytoer na Ierland en Brittanje eindig in Cardiff, Wallis.
2010 – Die Afrika-unie verander hul vlag.

Geboortes

1797 – Franz Schubert, Oostenrykse komponis († 1828).
1808 – Jacobus Nicolaas Boshoff, Vrystaatse politikus en staatsman, President van die Oranje-Vrystaat († 1881).
1885 – Tinus de Jongh, Suid-Afrikaanse skilder († 1942).
1930 – Renata Coetzee, ’n kenner van die tradisionele voedselkulture van Suid-Afrikaners († 2018).
1933 – Bernardo Provenzano, Italiaanse mafioso († 2016).
1938 – Beatrix, koningin van Nederland.
1940 – Albie Venter, Suid-Afrikaanse rolprentregisseur en -vervaardiger († 1990).
1940 – Kitch Christie, Suid-Afrikaanse rugbyspeler en afrigter († 1998).
1941 – Eugène Terre’Blanche, Suid-Afrikaanse regse politieke aktivis († 2010).
1941 – Ina Bauer, Duitse aktrise. († 2014).
1941 – Jessica Walter, Amerikaanse aktrise. († 2021).
1946 – Stan Christodoulou, Suid-Afrikaanse boksskeidsregter en -beoordelaar.
1956 – John Lydon, Engelse sanger.
1956 – Trevor Manuel, Suid-Afrikaanse politikus.
1965 – Carl Walter Meyer, Suid-Afrikaanse skilder († 2017).
1966 – Jyrki Järvilehto (kortweg JJ Lehto), Finse Formule Eenrenjaer.
1971 – Gábor Kósa, Hongaarse historikus van godsdienste.
1973 – Portia de Rossi, Amerikaanse aktrise.

Sterftes

1606 – Guy Fawkes, samesweerder teen Protestantse regering van Jakobus I van Engeland (* 1570)
1666 – Shah Jahan, die vyfde Mogol-Keiser van Indië (* 1592)
1729 – Jacob Roggeveen, Nederlandse ontdekkingsreisiger wat gestuur is om Terra Australis te vind (* 1659)
1919 – Xaver von Marnitz, Duits-Baltiese protestantse martelaar (* 1855)
1933 – John Galsworthy, Engelse romanskrywer en dramaturg, Nobelprys-wenner (* 1867)
2009 – Trudie Taljaard, Suid-Afrikaanse aktrise (* 1948)

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.