30 September

30 September is die 273ste dag van die jaar in die Gregoriaanse kalender (274ste in skrikkeljare). Dit is ook die laaste dag van die derde kwartaal van die jaar. Daar volg nog 92 dae.

Gebeure

Ethernet-kaart

1061 – Pous Alexander II volg Pous Nicolaas II op.
1628 – Pous Urbanus VIII verklaar Peter Nolasco heilig.
1686 – Antonio Pignatelli (Later Pous Innocentius XII) word aartsbiskop van Napels.
1720 – Pous Clemens XI stel Carlos de Borja-Centelles y Ponce de León, patriarg van Wes-Indië en Álvaro Cienfuegos Villazón, S.J. aan as kardinaal.
1739 – Pous Clemens XII stel Prospero Colonna, ouditeur van die Apostoliese Kamer en Carlo Maria Sacripante, tesourier-generaal van die Apostoliese Kamer aan as kardinaal.
1831 – Pous Gregorius XVI stel 12 nuwe kardinale aan, waaronder Luigi Lambruschini, C.R.S.P., titulêr aartsbiskop van Berito.
1885 – Die Republiek van Goosen word afgeskaf en heringelyf in Brits-Betsjoeanaland, nadat 'n Britse militêre mag onder Sir Charles Warren na die gebied gestuur is.
1966 – Botswana word van die Verenigde Koninkryk onafhanklik.
1980 – Ethernet-spesifikasies word gepubliseer deur Xerox in samewerking met Intel en Digital Equipment Corporation.
1989 – Die federasie Senegambië word deur Senegal ontbind toe Gambië weier om nader aan 'n unie te beweeg.
1996 – Bantu Holomisa word uit die African National Congress geskop, nadat hy voor die Waarheid-en-versoeningskommissie getuig het.
1999 – Een van Japan se ergste kernkragongelukke vind plaas by 'n uraanherverwerkingfasiliteit naby Tokio. Werkers en plaaslike inwoners word aan baie hoë vlakke van bestraling blootgestel.
2002 – Indië en Sri Lanka word verklaar as medewenners van die derde Kampioenetrofee in Sri Lanka, nadat die eindstryd twee keer uitgereën het.
2022 – Die Russiese Federasie onderteken die toetredingsverdrae om die anneksasie van die gedeeltelik besette Oekraïense oblaste Loehansk, Donetsk, Zaporizjzja en Cherson te begin.
2022 – Staatsgreep word deur Kaptein Ibrahim Traor in Burkina Faso uitgevoer.

Geboortes

1227 – Girolamo Masci d'Ascoli later Pous Nicolaas IV, die 191ste pous van die Rooms-Katolieke Kerk in Liciano, Italië († 1292).
1709 – Georg Schmidt, sendeling van die Morawiese kerk († 1785).
1832 – Lord Frederick Sleigh Roberts, Britse maarskalk († 1914).
1859 – Ds. Philip Snyman, predikant in twee gemeentes van die Gereformeerde Kerk († 1900).
1928 – Elie Wiesel, 'n Roemeens-gebore Amerikaanse Jood, skrywer, professor, politieke aktivis, Nobelprys ontvanger en Holocaust oorlewende († 2016).
1937 – Gary Hocking, Grand Prix-motorfietsrenwêreldkampioen van Rhodesië, sterf in 'n Lotus Climax voor die Natalse Grand Prix († 1962).
1952 – Jack Wild, Britse akteur en sanger († 2006).
1953 – Jack Goldstone, 'n Amerikaanse sosioloog, politieke wetenskaplike en historikus.
1956 – Donald Andersen, Deense akteur.
1964 – Monica Bellucci Italiaanse aktrise
1997 – Max Verstappen, Nederlandse Formule Eenberoepsrenjaer.
2002 – Maddie Ziegler, Amerikaanse aktrise en danseres.

Sterftes

420 – Hieronimus van Stridon (* 347).
1913 – Rudolf Diesel, Duitse ingenieur en uitvinder (* 1858).
1942 – Hans-Joachim Marseille, Duitse bobaasvlieënier tydens die Tweede Wêreldoorlog (* 1919).
1955 – James Dean, Amerikaanse filmster (* 1931).
1966 – D.G. Conradie, joernalis, redakteur van Die Volksblad, politikus en administrateur-generaal van Suidwes-Afrika (* 1879).
1990 – Patrick White, Australiese skrywer (* 1912).
1992 (waarskynlik 30 September) – Miemie Louw-Theron, Afrikaanse skrywer (* 1898).
1997 – Ernst van Heerden, Afrikaanse digter (* 1916).
2019 – Kornel Morawiecki, 'n Poolse politikus en teoretiese fisikus (* 1941).
2019 – Jessye Mae Norman 'n Amerikaanse sopraan (* 1945)

Vakansies, vierings, en waarnemingsdae

Feesdag van Hieronimus van Stridon in die Rooms-Katolieke Kerk.
1966 – Onafhanklikheidsdag in Botswana
Internasionale Vertaaldag

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.