2 Oktober

2 Oktober is die 275ste dag van die jaar in die Gregoriaanse kalender (276ste in skrikkeljare). Daar volg nog 90 dae in die res van die jaar.

Gebeure

313 – Die eerste Lateraanse sinode vind plaas.
1316 – Pous Johannes XXII neem sy intrek in Avignon.
1529 – Martin Luther en Ulrich Zwingli ontmoet in Marbach. ’n Geskil oor die gebruik van die nagmaal lei daartoe dat Switserse en Duitse Protestante nie verenig nie.
1623 – Pous Urbanus VIII stel sy neef Francesco Barberini sr. aan as kardinaal.
1730 – Pous Clemens XII stel vier nuwe kardinale aan, waaronder Alessandro Aldobrandini, titulêr aartsbiskop van Rodi.
1756 – Gregorio Barnaba Chiaramonti, later Pous Pius VII, word Benediktyner-monnik.
1758 – Pous Clemens XIII stel Antonio Marino Priuli, biskop van Vicenza, en François-Joachim de Pierres de Bernis, kanunnik van Lyon, aan as kardinale.
1826 – Pous Leo XII stel tien nuwe kardinale aan, waaronder Pietro Caprano, titulêr aartsbiskop van Iconio.
1835 – Die Texaanse Onafhanklikheidsoorlog begin.
1847 – Pous Pius IX stel munisipale bestuur van Rome in.
1901 – Die Britse Vloot laat hul eerste duikboot te water.
1954 – Die Maria van Riebeeck-standbeeld word deur prins Bernhard van Lippe-Biesterfeld onthul.
1958 – Guinee ontvang onafhanklikheid van Frankryk
1981 – Switserse elektronika en tegnologie maatskappy Logitech gestig deur ingenieurs Daniel Borel, Pierluigi Zappacosta en Giacomo Marini.
1990 – Die Duitse Demokratiese Republiek (DDR), wat sedert 7 Oktober 1949 op die grondgebied van die voormalige Sowjet-besettingsone in Oos-Duitsland en die Sowjet-sektor van (Oos-)Berlyn bestaan het, kom tot ’n einde.
2004 – Parkrun word deur Paul Sinton-Hewitt gestig by Bushy Park in Londen, Engeland.

Geboortes

Gandhi in 1929

1452 – Richard III, koning van Engeland († 1485).
1627 – Patriarg Adriaan van Moskou, laaste Russies-Ortodokse patriarg van Moskou en die hele Rusland († 1700).
1852 – Curt von François, die stigter van Windhoek († 1931).
1852 – William Ramsay, Skotse chemikus en Nobelpryswenner († 1916).
1857 – MT Steyn, president van die Vrystaat († 1916).
1867 – James Stevenson-Hamilton, Suid-Afrikaanse wild- en natuurbewaarder en (Britse) soldaat († 1957).
1869 – Mahatma Gandhi, Indiese massa-bewegingsleier († 1948).
1897 – Bud Abbott, Amerikaanse akteur en komediant († 1974).
1926 – Jan Morris, Walliese geskiedkundige, outeur en reisskrywer († 2020).
1929 – Lorrae Desmond, Australiese aktrise († 2021).
1936 − Sandra Seacat, Amerikaanse aktrise en leermeesteres († 2023).
1944 − Ton Koopman, Nederlandse dirigent, orrelis, klavesimbelspeler en musikoloog.
1951 – Sting, Britse akteur en sanger.

Sterftes

829 – Michael II, keiser van die Bisantynse Ryk (* 770).
1264 – Pous Urbanus IV, 182ste pous van die Rooms-Katolieke Kerk (* ±1195).
1919 – Alfred Geist, Duits-Baltiese protestantse martelaar (* 1863).
1920 – Max Bruch, Duitse komponis (* 1838).
1927 – Svante Arrhenius, Sweedse chemikus, fisikus en Nobelpryswenner (* 1859).
1985 – Rock Hudson, Amerikaanse akteur (* 1925).
1998 – Gene Autry, Amerikaanse akteur (* 1907).
1999 – Sarel Hayward, Suid-Afrikaanse politikus (* 1924).
1999 – Heinz G. Konsalik, Duitse outeur (* 1921).
1999 – Georg Tintner, Oostenrykse dirigent (* 1917).
2016 – Neville Marriner, Engelse violis en dirigent (* 1924).
2023 – Trienke Laurie, Suid-Afrikaanse skrywer ((* 1946).

Vakansies, vierings, en waarnemingsdae

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.