27ste Dinastie van Egipte
Die 27ste Dinastie (ook Dinastie XXVII geskryf; 525–402 v.C.) of Eerste Persiese Satrapie was ’n tydperk toe Antieke Egipte ’n provinsie van die Persiese Ryk was. Dit word beskou as deel van die Laat Tydperk.
Geskiedenis
Die laaste farao van die 26ste Dinastie, Psamtik III, is in 525 v.C. deur Cambyses II van Persië in die oostelike Nyldelta verslaan. Egipte het toe saam met Siprus en Fenesië die sesde satrap van die Persiese Ryk gevorm. Dié tyd van Persiese heerskappy oor Egipte, bekend as die 27ste Dinastie, het tot omstreeks 402 v.C. geduur.
Ná ’n tydperk van onafhanklikheid, waartydens drie inheemse dinastieë (die 28ste, 29ste en 30ste Dinastie) oor Egipte regeer het, het Artaxerxes III van Persië (358-338 v.C.) die Nylvallei vir ’n kort tweede periode herower. Dié sowat ’n dekade was bekend as die 31ste Dinastie.
| Voorafgegaan deur ← 26ste Dinastie |
27ste Dinastie | Opgevolg deur 28ste Dinastie → |