27ste eeu v.C.

Die 27ste eeu v.C. het geduur van 2700 tot 2601 v.C.

Gebeure

’n Beeld van Imhotep in die Louvre. Hy is die eerste argitek en geneesheer in die geskiedenis wie se naam in historiese dokumente voorkom.

2700-2660 v.C.: Die Vroegdinastiese tydperk eindig in Antieke Egipte. Dit sluit die 1ste en die 2de Dinastie in.
Omstreeks 2700 v.C.: Die begin van die Ou Ryk in Antieke Egipte (die 3de tot die 6de Dinastie).
2686 v.C.: Die einde van die 2de Dinastie en die begin van die 3de Dinastie. Farao Chasechemwy sterf. Sanachte begin regeer.
Omstreeks 2681–2662 v.C.: Die bewind van Djoser van die 3de Dinastie.
2668 v.C.: Farao Sanachte sterf.
Omstreeks 2667 v.C.: Djoser begin regeer (’n ander datum is 2681 v.C.).
Omstreeks 2648 v.C.: Djoser sterf (’n ander datum is 2662 v.C.).
2630–2611 v.C.: Imhotep, hofmeester van Egipte, bou die Piramide van Djoser.
2613 v.C.: Einde van die 3de Dinastie en die begin van die 4de Dinastie. Farao Hoeni sterf en Snofroe begin regeer.
Omstreeks 2613–2494 v.C.: Die Groot Sfinks by Giza word gebou.
Omstreeks 2601–2515 v.C.: Die Groot Piramides by Giza word gebou vir Menkaoere, Chafra en Cheops.

Omstreeks 2697 v.C.: Die Geel Keiser begin in China regeer.
Omstreeks 2640 v.C.: Die begin van die verbouing en weef van sy as ’n streng bewaarde geheim.

2627–2000 v.C.: Die bou van die Caral-metropolis in Peru.
2600 v.C.: Die Harappan-fase van die Indusvallei-beskawing begin.
2600 v.C.: Die einde van die Vroeë Dinastie II en die begin van die Vroeë Dinastie IIIa in Mesopotamië.
2900–2334 v.C.: Die Mesopotamiese oorloë van die Vroeë Dinastie.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.