2015 TG387

2015 TG387, met die bynaam The Goblin ("Die Aardgees") vanweë die letters TG en omdat dit naby Halloween ontdek is,[4][5] is ’n trans-Neptunus-voorwerp (TNV) in die buitenste deel van die Sonnestelsel.[6] Dit is op 13 Oktober 2015 die eerste keer by die Mauna Kea-sterrewag deur die sterrekundiges David J. Tholen, Scott Sheppard en Chad Trujillo waargeneem, en die ontdekking is op 1 Oktober 2018 bekend gemaak.[1][7]

2015 TG387 het ’n lang wentelbaan (regs onder). Die hipotetiese Planeet Nege (P9) is in groen (links bo).
2015 TG387   
Ontdekking [1]
Ontdek deur David J. Tholen, Scott Sheppard, Chad Trujillo
Datum 13 Oktober 2015
Kleinplaneet-benaming2015 TG387
Kleinplaneet-kategorie TNV · sednoïde
Wentelbaaneienskappe [2]
Afelium 2 037 AE
Perihelium 64,8 AE
Halwe lengteas 1 051 AE
Wentelperiode 34 080 jaar
Gem. anomalie 359,4°
Gem. beweging 0,00002892°/dag
Baanhelling 11,66°
Lengteligging van stygende nodus 300,90°
Periheliumhoek 118,3°
Fisiese eienskappe
Afmetings ~300 km[3]
Absolute magnitude 5,3[2]

Eienskappe

2015 TG387 is die derde bekende sednoïde, ná 90377 Sedna en 2012 VP113.[3] Ná die ontdekking van 2015 TG387 (wat na raming ’n deursnee van 300 km het), het Sheppard et al. afgelei dit beteken daar is sowat 2 miljoen binneste Oortwolkvoorwerpe groter as 40 km breed, met ’n totale massa van 1×1022 kg (verskeie kere die massa van die Asteroïdegordel).[3]

Die wentelbaan van 2015 TG387 en ander verafgeleë TNV’s dui op, maar bewys nie, die bestaan van ’n hipotetiese Planeet Nege in die buitenste Sonnestelsel.[3][7]

Die voorwerp is tans 80 AE van die Son af, sowat twee en ’n half keer so ver as wat Pluto nou is.[5] Nes Sedna, sou dit nie ontdek gewees het as dit nie op die binneste been van sy lang wentelbaan was nie. Dit is hoekom geglo word daar is talle sulke voorwerpe, waarvan die meeste te ver is om met huidige metodes waar te neem.

Met instrumente wat nou beskikbaar is, sal 2015 TG387 "net een persent van die tyd" sigbaar wees.[5]

Verwysings
  1. "MPEC 2018-T05 : 2015 TG387" (in Engels). IAU Minor Planet Center. 1 Oktober 2018. Geargiveer vanaf die oorspronklike op 31 Mei 2019. Besoek op 2 Oktober 2018.
  2. "JPL Small-Body Database Browser: (2015 TG387)" (2018-05-19 last obs.) (in Engels). Jet Propulsion Laboratory. Geargiveer vanaf die oorspronklike op 14 April 2020. Besoek op 2 Oktober 2018.
  3. Sheppard, Scott; Trujillo, Chadwick; Tholen, David; Kaib, Nathan (28 September 2018). "A New High Perihelion Inner Oort Cloud Object" (PDF). arXiv:1810.00013. Besoek op 2 Oktober 2018.
  4. Guarino, Ben (2 Oktober 2018). "New dwarf planet spotted at the very fringe of our solar system". The Washington Post. Geargiveer vanaf die oorspronklike op 20 Oktober 2018. Besoek op 3 Oktober 2018.
  5. Chang, Kenneth (2 Oktober 2018). "A Goblin World That Points Toward Hidden Planet Nine in the Solar System - What astronomers have found about the curious orbit of a small ice world far away reinforces the idea that a large world is hidden out in the solar system". The New York Times (in Engels). Geargiveer vanaf die oorspronklike op 20 September 2019. Besoek op 2 Oktober 2018.
  6. Nicole Mortillaro (2 Oktober 2018). "Discovery of new object supports theory of 'super-Earth' at edge of solar system". CBC News. Researchers have discovered a dwarf planet far beyond the orbit of Pluto they believe strengthens the case for a large planet at the outer reaches of our solar system.
  7. Witze, Alexandra (30 September 2018). "'Goblin' world found orbiting at the edges of the Solar System" (in Engels). Nature. doi:10.1038/d41586-018-06885-1. Geargiveer vanaf die oorspronklike op 10 September 2019. Besoek op 2 Oktober 2018.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.