2012 eindjaarrugbytoetsreeks

Die 2012 eindjaarrugbytoetsreeks (ook bekend as die Herfstoere in die Noordelike Halfrond) verwys na die internationale rugbywedstryde wat gedurende November hoofsaaklik in die Noordelike Halfrond gespeel word.

In 2012 se eindjaarrugbytoetsreeks het die IRR ’n nuwe skema ingestel wat daarop gemik was om die mededingendheid vir die volgende Wêreldbeker te verhoog. ’n Internasionale Rugbyreeks is ingestel waarin Vlak 2-lande soos Tonga, Kanada, Rusland, Samoa en die Verenigde State deelgeneem het. Die eerste toernooi is in Parc Eirias in Colwynbaai in Noord-Wallis gehou.

Die toernooiwedstryde is bykomend tot die toetse wat tussen die Vlak 1 en Vlak 2-lande gespeel is, wat ’n geleentheid vir opkomende rugbylande om teen die beste in die wêreld te speel, gespeel. Verskeie wedstryde tussen Vlak 1 en Vlak 2-lande is in 2012 gespeel. Wallis en Frankryk het teen Samoa gespeel, Engeland en Ierland teen Fidji en Skotland en Italië teen Tonga.

Die IRR het ook vriendskaplike wedstryde vir die einde van die jaar geskeduleer om die mededingendheid van Vlak 2-lande te verbeter.[1] Provinsiale spanne van Engeland het met die nuwe skema gehelp met Gloucester wat teen Fidji gespeel het en die Newcastle Falcons teen Tonga. Die skema het ook Japan gehelp deur ’n wedstryd teen ’n Baskiese uitnodigingspan en ’n Franse Barbarianspan te reël. Die Māori All Blacks het teen die Leicester Tigers gespeel, wat hulle eerste internasionale wedstryd sedert 2010 was. Voorts het die Māori All Blacks ook nog teen ’n uitnodigingspan van die Engelse Rugbyvoetbalunie en die Kanadese nasioanle span gespeel.[2][3]

Georgië en Roemenië het teen Japan gespeel terwyl Portugal na Suid-Amerika gereis het om in twee toetse teen Uruguay en Chili te speel. Portugal het altwee hierdie toetse gewen. Namibië het ’n toernooi teen Spanje en Zimbabwe aangebied met Spanje wat albei sy toetse gewen het en sodoende die toernooi beklink het.

Net soos in onlangs afgelope seisoene het Nieu-Seeland en Australië die laaste wedstryd om die Bledisloebeker gespeel. Nieu-Seeland het voor die wedstryd ’n segetog van 16 wedstryde gehad, een oorwinning kort van die huidige Vlak 1-wêreldrekord van 17 opeenvolgende oorwinnings wat hulle saam met Suid-Afrika hou. Die wedstryd is egter gelykop gespeel en Nieu-Seeland kon nie die wêreldrekord ewenaar nie.[4]

Wedstryde

Bledisloebeker – Deel 3
  • James Hanson het sy internasionale debuut vir Australië gemaak.
  • Keven Mealamu het sy 100ste toets vir Nieu-Seeland gespeel. Hy was die 22ste internasionale speler en die 3de Nieu-Seelandse wat die prestasie behaal het.
  • Piri Weepu het Ollie le Roux se rekord vir die meeste internasionale wedstryde as plaasvervanger geëwenaar met 43 uit 66 wedstryde waarin hy ’n plaasvervanger was.
  • Tony Woodcock het Kees Meeuws se Nieu-Seelandse rekord vir die meeste internasionale geelkaarte geëwenaar toe hy sy derde geelkaart gekry het.
  • Die gelykopuitslag het Nieu-Seeland se segetog van 16 wedstryde beëindig en so hul kans om Litaue se rekord van 18 opeenvolgende internasionale oorwinnings te verbeter, verydel.
  • Dit was die eerste keer sedert 2004 wat Nieu-Seeland nie ’n drie in ’n wedstryd gedruk het nie. Die 105 opeenvolgende wedstryde voor dit is ’n internasionale rekord.

Week 1

Week 2
  • Hierdie wedstryd was die eerste keer dat Twickenham se kaartjies uitverkoop is vir ’n wedstryd tussen Engeland en ’n Vlak-2 rugbyland.
  • Die vorige keer wat Argentinië Wallis op die Millenniumstadion geklop het was op 10 November 2001, presies elf jaar vantevore.
  • Vier spelers het hul internasionale debuut vir Ierland gemaak: Michael Bent, Iain Henderson, David Kilcoyne en Richardt Strauss.
  • Adriaan Strauss vir Suid-Afrika en Richardt Strauss vir Ierland is neefs. Laasgenoemde kwalifiseer op grond van verblyfreg om vir Ierland te speel.
  • Ronan O’Gara het in sy 127ste internasionale wedstryd gespeel (125 vir Ierland en 2 vir die Britse en Ierse Leeus) en het sodoende die speler met die tweede meeste internasionale toetswedstryde na George Gregan (139) van Australië geword.
  • Drie spelers het hul internasionale debuut vir Frankryk gemaak: Yannick Forestier, Jocelino Suta en Sébastien Vahaamahina.
  • Paddy Ryan het sy internasionale debuut vir Australië gemaak.
  • Hierdie wedstryd het Australië se segetog van 7 jaar oor Frankryk beëindig. Frankryk se vorige oorwinning oor Australië was op 5 November 2005.
  • Dit was Frankryk se tweede grootste oorwinning oor Australië (die grootste was 34–6 in 1976).
  • Hierdie wedstryd was die eerste eindjaartoets wat Murrayfield se kaartjies uitverkoop is.
  • Henry Pyrgos het sy internasionale debuut vir Skotland gemaak.
  • Twee spelers het hul internasionale debuut vir Nieu-Seeland gemaak: Dane Coles en Tawera Kerr-Barlow.

Week 3
  • Fidji het hierdie wedstryd vir sy spelers laat tel terwyl Ierland dit nie laat tel het nie. Die IRR het ook nie toetsstatus aan die wedstryd verleen nie, wat beteken dat die rangorde na die wedstryd dieselfde sou bly as voor die wedstryd.

Week 4
  • Dit was Tonga se eerste oorwinning oor Skotland.
  • Dit was die eerste keer dat Skotland in Aberdeen verloor het.

Week 5

2012 Internasionale Rugbyreeks

Week 1

Week 2

Effek op Rugbywêreldbeker 2015 loting

Soos met die 2008 eindjaarrugbytoetsreeks het die IRR-ranglys ’n noemenswaardige rol gespeel in die loting vir die Rugbywêreldbeker 2015. Die twaalf outomatiese kwalifiseerders is geloot na aanleiding van hul posisie en opgedeel in drie groepe van vier spanne.

  • Groep 1 bestaan uit die topvier outomatiese kwalifiseerders
  • Groep 2 bestaan uit die volgende vier outomatiese kwalifiseerders (5-8)
  • Groep 3 bestaan uit die volgende vier outomatiese kwalifiseerders (9-12)
  • Groep 4 bestaan uit die oorblywende plekke wat nog kan kwalifiseer (Oseanië 1, Europe 1, Asië 1 en die Amerikas 1)
  • Groep 5 bestaan uit die oorblywende moontlike lande (Afrika 1,Europa 2, die Amerikas 2 en ’n herkansingswenner)

Na afloop van die laaste wedstryde op 1 Desember 2012 was die twaalf outomatiese kwalifiseerders:

Groep 1

Groep 2

Groep 3

Groep 4

  • Amerikas 1
  • Asië 1
  • Europa 1
  • Oseanië 1

Groep 5

  • Afrika 1
  • Amerikas 2
  • Europa 2
  • Herkansingswenner

Verwysings
  1. (en) Geargiveer 5 Oktober 2012 op Wayback Machine Nuwe IRR-skema vir mededingende wedstryde in Vlak 2-lande voor Rugbywêreldbeker 2015
  2. (en) Geargiveer 22 September 2012 op Wayback Machine Agtergrond rondom IRR Mededingendheidskema
  3. (en) Geargiveer 24 Oktober 2012 op Wayback Machine Volle wedstrydbepalings volgens die IRR
  4. (en) O’Connor heldedaad oorweldig All Blacks
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.