2006 Formule Een-seisoen

Vier prominente name het hierdie seisoen uit die sport verdwyn, met Minardi, Sauber, BAR en Jordan wat kop uitgetrek het, en een nuwe span, Super Aguri, wat op die laaste oomblik ingeskryf het. Minardi is oorgeneem deur Red Bull, en vernoem na die Italiaans vir Red Bull, nl. Toro Rosso. Die Sauber-naam het gebly, hoewel dit grotendeels uit sentiment was, aangesien BMW 80% van die span besit het en Peter Sauber die ander 20%. Jordan het MF1 Racing geword, aangesien Midland weer begin het ná 'n teleurstellende eerste seisoen onder die Jordannaam. Die span is laat in die seisoen deur Spyker gekoop. Honda, wat reeds 'n belang van 45% in die BAR-span besit het, het hul oorname van die span voltooi en die naam aan die begin van die seisoen na Honda Racing F1-span verander. Super Aguri F1 het ook vir hul eerste seisoen ingeskryf, en het steun gekry van Honda, insluitende tegnologie en enjins, omdat die Honda-renjaer Takuma Sato hulle motor bestuur het.