19 Februarie

19 Februarie is die 50ste dag van die jaar in die Gregoriaanse kalender. Daar volg nog 315 dae in die res van die jaar (316 in skrikkeljare).

Gebeure

197 – Keiser Septimius Severus verslaan Clodius Albinus by Lugdunum (Lyon).
607 – Pous Bonifatius III volg Pous Sabinianus op.
1304 – Pous Benedictus XI bevorder Walter Winterburn OP tot kardinaal.
1329 – Teenpous Nicolaas V ekskommunikeer Pous Johannes XXII.
1476 – Boergondiese Oorloë. Veldslag van Grandson. Hertog Karel die Stoute van Boergondië en sy 30000 soldate plaas die stadjie Grandson onder beleg wat deur 412 soldate van die Switserse Bondgenootskap verdedig word. Na die oorgawe van Grandson word die Switserse verdedigers deur die Boergondiërs opgehang of versuip.
1496 – Pous Alexander VI stel nog vier kardinale aan waaronder Juan de Borja Lanzol junior, sy kleinneef en publiseer die aanstelling van Luigi d'Aragona wat reeds in Mei 1494 in pectore gemaak is.
1646 – Pous Innocentius X publiseer 'n bul wat kardinale verbeid om Rome vir langer as ses maande te verlaat, sonder die pous se toestemming.
1652 – Pous Innocentius X stel 12 nuwe kardinale aan, waaronder Fabio Chigi (later Pous Alexander VII) en Pietro Vito Ottoboni (later Pous Alexander VIII).
1710 – Lorenzo Corsini (later Pous Clemens XII) word camerlengo van die kollege van kardinale.
1749 – Pous Benedictus XIV publiseer Annus qui hunc oor die onderhoud van kerkgeboue.
1797 – Pous Pius VI sluit die vrede van Tolentino met die Franse.
1802 – Pous Pius VI word in Rome herbegrawe.
1896 – Die Braamfonteinse dinamiet-ontploffing naby Johannesburg se middestad eis tientalle lewens en lê talle geboue in puin, onder meer die eerste kerkgebou van die NG gemeente Fordsburg. Ds. Abraham Kriel het ná die eerste begrafnis van 127 slagoffers "soos 'n kind gesnik".
1919 – Die tweede Pan-Afrika Kongres begin in Parys.
1942 – Darwin, die hoofstad van die Noordelike Gebied, Australië, word hard getref deur 242 bomwerpers en vegvliegtuie van die Japannese vloot.
1945 – Tweede Wêreldoorlog: Die Geallieerdes val die eiland Iwo Jima binne.
1986 – Die ruimtestasie Mir van die Sowjet-ruimteprogram word gelanseer om die eerste langtermyn-navorsingstasie in die ruimte te vestig.
2001 – Skade van R18 miljoen word tydens 'n brand aan die Pretoriastasie aangerig. Pendelaars wat woedend was oor gereelde treinvertragings het 'n wagkamer aan die brand gesteek wat na die dak van die gebou versprei het.
2001 – 'n Museum ter herdenking van die Oklahoma-stad bomaanval word ingewy.
2011 – Die tiende Krieketwêreldbeker begin in Indië, Sri Lanka en Bangladesj.

Geboortes

1473 – Nicolaas Copernicus, Poolse sterrekundige († 1543)
1811 – Klaas Waarzegger was die skrywersnaam van Louis Henri Meurant († 1893).
1817 – Willem III van Nederland, koning van Nederland en groothertog van Luxemburg († 1890).
1836 – Pulvermacher, eerste Afrikaanse digter († 1910).
1932 – Joseph P. Kerwin, Amerikaanse dokter en ruimtevaarder.
1953 – Cristina Fernández de Kirchner, president van Argentinië van 2007 tot 2015.
1953 – Ernst van Jaarsveld, Suid-Afrikaanse plantkundige.
1859 – Svante Arrhenius, Sweedse chemikus, fisikus en Nobelpryswenner († 1927).
1921 – Dr. Andries Treurnicht, Suid-Afrikaanse politikus, kabinetsminister, koerantredakteur en predikant († 1993).
1952 – Abraham Erasmus van Wyk, Suid-Afrikaanse planttaksonoom.
1960 – Prins Andrew van Engeland.
1970 – Kurt Darren, Afrikaanse sanger en liedjieskrywer.

Sterftes

1902 – Richard Maurice Bucke, Kanadese psigiater (* 1837).
1970 – Dr. Hendrik Johannes van Eck, 'n Suid-Afrikaanse ingenieur en nyweraar (* 1902).
1994 – Francois Krige, Suid-Afrikaanse kunstenaar. Broer van die skrywer Uys Krige (* 1913).
2003 – Frank Quint, Suid-Afrika se eerste bruin ambassadeur (* 1921).
2016 – Umberto Eco, Italiaanse skrywer en filosoof (* 1932).
2016 – Harper Lee, 'n Amerikaanse skryfster van To Kill a Mockingbird en Pulitzerprys-wenner (* 1926).
2019 – Karl Lagerfeld, 'n Duitse modeontwerper (* 1933).
2023 - Jansen Panettiere, Amerikaans akteur (* 1994).

Vakansies, vierings en waarnemingsdae

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.