11 April

11 April is die 101ste dag van die jaar in die Gregoriaanse kalender (102de in skrikkeljare). Daar volg nog 264 dae in die res van die jaar.

Gebeure

627 – Paulinus, 'n Romeinse sendeling, doop koning Edwin van Diera.
672 – Pous Adeodatus volg Pous Vitalianus op.
1111 – Teenpous Silvester IV onderwerp hom aan Pous Paschalis II (of dalk 12 April).
1286 – Pous Honorius IV ekskommunikeer koning James II van Sisilië saam met die biskoppe wat hom gekroon het.
1512 – Die Slag van Ravenna vind plaas.
1682 – Pous Innocentius XI annuleer die vier Galliese Vryhede.
1775 – Laaste doodstraf vir toorkuns in Duitsland.
1814 – Napoleon word verban na Elba.
1888 – Die Concertgebouw in Amsterdam word geopen.
1899 – Spanje handig Puerto Rico oor aan die Verenigde State.
1909 – Die (latere) Israelse stad Tel Aviv word gestig.
1914 – Hoërskool Ermelo kom tot stand.
1921 – Eerste sportuitsending oor radio.
1921 – Die Emirate van Transjordanië geskep.
1941 – Tweede Wêreldoorlog: Die Luftwaffe bombardeer Coventry, Engeland.
1945 – Tweede Wêreldoorlog: Die VSA-magte bevry Buchenwald konsentrasiekamp.
1945 – Die Duitse stad Neumark in die Opperpalts word vir die tweede keer tydens die Tweede Wêreldoorlog deur 'n Geallieerde bomaanval vernietig.
1968 – Duitse studenteleier, Rudi Dutschke, word geskiet in Berlyn.
1970 – Apollo 13 word gelanseer.
1979 – Die bewind van die Ugandese diktator, Idi Amin, word omvergewerp.
1979 – Die Oos-Duitse ambassadeur in Uganda, Gottfried Lessing, word saam met sy vrou in Kampala vermoor. Hy was voorheen getroud met die skryfster (en Nobelpryswenner) Doris Lessing.
2001 – Die Ellispark-stadion-ramp vind plaas en 42 mense sterf.

Geboortes

146 – Septimius Severus, Romeinse keiser († 211).
1348 – Andronikos IV Palaiologos, keiser van die Bisantynse Ryk († 1385).
1920 – Emilio Colombo, Italiaanse prokureur en politikus, 40ste Eerste Minister van Italië († 2013).
1922 – Pierre Wack, die eerste persoon om die gebruik van scenariobeplanning in die private sektor te ontwikkel († 1997).
1930 – Anton LaVey, stigter van die Kerk van Satan (Engels: Church of Satan) († 1997).
1932 – Joel Grey, Amerikaanse sanger en akteur.
1933 – Denis Goldberg 'n Suid-Afrikaanse anti-apartheidsaktivis en skrywer († 2020).
1941 – Shirley Stelfox, Engelse aktrise († 2015).
1947 – Leonard Nolens, Vlaamse digter, vertaler en skrywer.
1950 – Bill Irwin, Amerikaanse akteur en skrywer.
1953 – Guy Verhofstadt, Eerste Minister van België.
1960 – Jeremy Clarkson, Engelse motorjoernalis en televisieaanbieder.
1961 – Vincent Gallo, Amerikaanse akteur en regisseur.
1966 – Lisa Stansfield, Engelse sangeres.
1972 – Jennifer Esposito, Amerikaanse aktrise en skrywer.
1979 – Josh Server, Amerikaanse akteur.
1980 – Keiji Tamada, Japannese sokkerspeler.
1990 – Thulani Serero, Suid-Afrikaanse sokkerspeler.

Sterftes

678 – Pous Donus, die 78ste pous van die Rooms-Katolieke Kerk (* onbekend).
714 – Guthlac, Engelse heilige.
882 – Wala, aartsbiskop van Metz.
924 – Hermann I, aartsbiskop van Keulen.
1031 – Liudolf von Brauweiler, keiserlike veldheer en banier-draer.
1034 – Romanos III Argyros, Bisantynse keiser (* 968).
1079 – Stanislaus van Krakow, biskop van Krakow, Poolse heilige.
1165 – Stephan IV, Hongaarse koning.
1240 – Llywelyn ab Iorwerth, vors van Gwynedd.
1245 – Goffredus de Trano, Italiaanse regsgeleerde.
1309 – Jørund, aartsbiskop van Nidaros (Trondheim).
1466 – Guillaume de Varax, biskop van Belley en Lausanne.
1512 – Gaston de Foix, Franse soldaat.
1532 – Elisabeth von Weida, Duitse abdis van Gernrode.
1532 – Sōchō, Japannese skrywer.
1591 – Levinus Battus, Duitse arts.
1592 – Johannes Clajus, Duitse opvoedkundige en lutherse teoloog.
1621 – Matthias von Oppen, Duitse kerk-politikus en ekonomiese hervormer.
1648 – Matthäus Apelt, Duitse komponis en kerklied-digter.
1712 – Richard Simon, Franse eksegeet, teoloog, filosoof en geskiedkundige van die katolieke geloof.
1727 – Heinrich Theobald Schenk, Duitse protestantse teoloog en kerklieddigter.
1759 – Heinrich Gottfried Haferung, Duitse lutherse teoloog.
1760 – Moritz von Anhalt-Dessau, Pruisiese generaal.
1770 – August Wilhelm Reinhart, Duitse protestantse teoloog.
1779 – Grigori Nikolajewitsj Teplow, Russiese komponis.
1780 – Moritz Wilhelm von der Asseburg, Pruisiese generaal-majoor.
1781 – Joseph Gregor Winck, Duitse skilder.
1818 – Carl Andreas Göpfert, Duitse komponis.
1821 – Georg Joseph Beer, Oostenrykse stigter van die wetenskaplike oog-geneeskunde.
1822 – Friedrich Wilhelm Hermann, Duitse regsgeleerde.
1838 – Piet Uys, Voortrekkerleier (* 1797).
1838 – Dirkie Uys, kinderheld en seun van Voortrekkerleier Piet Uys (* 1823).
1987 – Primo Levi, Italiaans-Joodse chemikus, komponis en outeur (* 1919).
2007 – Kurt Vonnegut, Amerikaanse skrywer (* 1922).
2007 – Roscoe Lee Browne, Amerikaanse akteur (* 1925)
2023 – Carol Locatell, Amerikaanse aktrise (* 1940).

Vakansiedae

1993, 2004, 2015: Paasfees

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.