1. SC Feucht

1. SC Feucht is 'n sportklub uit Feucht in die deelstaat Beiere in Duitsland. Behalwe sokker, het die klub ook 'n afdeling vir kegelbal.

1. SC Feucht

Volledige naam	1. Sportclub Feucht e.V.
Stigtingsdatum	Junie 1920
Tuisveld	Waldstadion, Feucht
Kapasiteit	3 500
Kompetisie	Oberliga Beiere

Die eerste sokkerklub in Feucht is in 1920 opgerig as FC Feucht. Die klub het egter later doodgeloop en in 1927 is sy opvolger, 1. SC Feucht, gestig. In 1984 het die klub nog in die A-Klasse meegeding ('n lae amateurafdeling), maar met die promosie na die Landesliga in 1995 en die Oberliga Beiere in 1997 het die klub op die Duitse sokkerradar verskyn. In dieselfde jaar is die Waldstadion ingewy, die klub se tuisveld in Feucht.

Die hoogtepunt van die klub se geskiedenis was die 2 seisoene in die Regionalliga. Ondanks 'n 14de plek in die 2004/05-seisoen, het die klub nie weer aansoek gedoen om 'n Regionalliga-lisensie nie. Die rede hiervoor was dat die klub nie langer die hoë koste van die liga kon bekostig met die geringe belangstelling van borge nie. Die klub het ook min toeskouers getrek (relatief tot ander Regionalligaspanne), wat verklaar kan word deur die feit dat Feucht minder as 14 000 inwoners het.

Die klub is tans (status: Mei 2007) finansieel diep in die moeilikheid en staar 'n administrasiebevel in die gesig.