1. FC Schweinfurt 05
1. FC Schweinfurt 05 is 'n sportklub uit Schweinfurt in die deelstaat Beiere in Duitsland, veral bekend vir sy sokkerafdeling. Behalwe sokker, het die klub ook afdelings vir korfbal, vuisbal, handbal, hokkie, pluimbal, gimnastiek en atletiek.
 | |
| Volledige naam | 1. Fußball-Club Schweinfurt 05 e.V. Verein für Leibesübungen |
| Stigtingsdatum | 5 Mei 1905 |
| Tuisveld | Willy-Sachs-Stadion, Schweinfurt |
| Kapasiteit | 15 060 |
| Kompetisie | Regionalliga Beiere |
Die klub is in 1905 gestig. In 1928 is daar kortstondig met Turngemeinde Schweinfurt von 1848 saamgesmelt, maar die unie het na 2 jaar weer uitmekaargespat. In 1931 het die klub die hoogste klas bereik en daar gebly totdat die klub met die invoer van die Bundesliga in 1963 in die 2de klas (Regionalliga) ingedeel is:
Tussen 1933 en 1945 het Schweinfurt in die Gauliga Beiere gespeel. In 1939 en 1942 het die klub die Gauliga gewen (voor klubs soos FC Beiere München, TSV 1860 München en 1. FC Neurenberg) en kon hulle aan die uitspeelwedstryde om die Duitse titel deelneem, maar die span is beide kere in die vroeë rondtes uitgeskakel.
Na die Tweede Wêreldoorlog is die klub in die Oberliga Suid ingedeel en het daar bly speel tot met die oprigting van die Bundesliga. Die klub het in 1966 die Regionalliga Suid gewen, maar was onsuksesvol in die uitspeelwedstryde om promosie na die Bundesliga.
Die klub het sedert 1976 in heelwat seisoene finansieel en op die veld gesukkel en is in 2004 onder administrasie geplaas. Na 'n herstrukturering kon die klub gered word, maar die DFB het die klub tot in die Landesliga op die 5de vlak gerelegeer.
Die klub se tuisveld, die Willy Sachs-stadion in Schweinfurt, is vernoem na Willy Sachs, wat die stadion uit sy eie fondse in 1936 laat bou het. Sachs was egter 'n omstrede figuur weens sy verbintenis met die SS en het in 1958 selfmoord gepleeg.
Onlangse ligaposisionering
|
|
Eksterne skakels
| Oberliga Beiere 2007/08-seisoen | |
|
TSV Aindling - SpVgg Ansbach 09 - 1. FC Bad Kötzting - 1. FC Eintracht Bamberg - SpVgg Bayreuth - SpVgg Greuther Fürth II - TSV Großbardorf - SV Heimstetten - SpVgg Beiere Hof - FC Kempten - | |