Široki Brijeg-slagting

Die term Široki Brijeg-slagting verwys na die gebeure waartydens 28 Kroatiese Fransiskane-monnike van die Široki Brijeg-klooster in Herzegowina tussen 7 en 15 Februarie 1945 deur kommunistiese Tito-partisane vermoor is.

'n Gedenkplakkaat met foto's van die slagoffers

Die slagoffers van die slagting word deur die Rooms-Katolieke Kerk in Bosnië en Herzegowina, maar ook deur Rooms-Katolieke elders, as martelaars vereer. Gelowiges herdenk ook die moorde op 38 ander monnike in die Fransiskaanse provinsie Herzegowina waarvan sommige op die sogenaamde "Kroatiese Kruispad" vermoor is.